Analysis Services
تسلم الايااااااااااااااادي
03-12-1429 هـ, 02:55 مساءً
 
اقتباس مشاركة  (غراس الجنه)
ههههههههههههههههه ياحبي لك وسعتي صدري....
الا على فكره....وين الحلى متى بتنزلينه




يؤيؤيؤ امزح....يامال العافيه على هالحلا...والله يكثر طبات عمتكم عليكم...
غــراس الجنه ..يامال الجنه ووالديكـ يارب ..
الحلى ودي انزله بس رجلي حالفن علي ..خبركـ يخاف علي من العين
>>مااااره ماتصدق تشوف سذبه الا تكملها ..
عمتنا مابعد جاء اخوها عشان تجي هي ..

يجزاكـ الجنه



اقتباس مشاركة  (ملكة في بيتي)
الله يعطيك العافية
على العموم الحلى مررررررررررة سهل
سواءانتي اللي سويتيه او عمتكم
ان شاء الله سوف يتم تطبيقه
والله من زمان عنك ياغلا >>>>>>شاعر المليون
والله واحشتني سواليفك مووووووووت
ياريت كان معاي وقت لمن زرت الرياض كان واعدتك وشفتك >>>>ملهيتها السوقة
دمتي مبدعة وننتظر خف ظلك والله يخليك لعينن ترجيك يالغلا

ملكه ..
الله يعافي قلبكـ ..
اي والله سهل مااااااااره ماااره وسريع بااقل من نص ساعه يخلص ..
لا انا اللي مسويته وش دعوة ..
عمتنا توها مابعد جاءت بس تسذبتن الكل صدقها ..
والظاهر من وراها مانيب معرسه ..

ليتكـ قلتي لي يوم جيتي ..كان الساعه المباركه ..
يجزاكـ الجنه ووالديكـ ..
03-12-1429 هـ, 02:57 مساءً
 
ألـــــــٌق..



انا اقول دايما انه طالبتي الــق هذي ..هي الوحيده اللي تفهم الدرس بسرعه ..
توني ابقول الفوائد من الدرس ..
الا ماشاء الله جابته ..
خلي الوالده تجي بكره للمدرسه نبي نكرمكـ قادمها على هالدفااره الزايده ..

نجي لردكـ على موضوعي ..
وحده بوحده ..
موب انتي قايلتن لي ردي على موضوعي ..
قلت مسكينه يمكن انها تبي ترد على مواضيعي بس لازمن عزيمه ..
>>ساااده وشوله تشوفين روحكـ ..

نجي لقطعه الباف ..
ياانتي عليكـ ذكاء خااارق ..وواضح انكـ طبااخه وسنعه والدليل تولان ..
القطعه ماتصير كامله لانكـ راح تاخذين منها قد الدائره اللي تبين تقطعين منها ..
يعني يمكن البف الواحد تجي دائرتين ..


نجي للــذواقه ..
احلمــي ..احلمي ..الا اذا انتي جبتي حلا من صنع يديكـ ..
ذيك السااعه لكل حادث حديث ..
بس وش ورانا نجيبه ..
بس تطلعين معي مرتن ثاانيه عشان اللي خبركـ يحجرنكـ ..


يجزاكـ الجنه ووالديكـ ..
والله يرزقكـ معي ..
بس موب بليله وحده عشان تحضرين لي واحضر لكـ ..ونرقص لبــعض ..
03-12-1429 هـ, 03:07 مساءً
 
اقتباس مشاركة  (زلال الحياة)
الله يعطيك العافية على الوصفة الخفيفة والسهلة
مشكورة ياعسل

زلال ..
ياحبي لكـ..
يجزاكـ الجنه ووالديكـ .
والحمدلله انه ماستدار راسكـ من كثر الهذر ..



اقتباس مشاركة  (ام وجه السعد)
ياعيني ياعيني على غلووووو وحركاتها
ماتبغى تورينا الحلا وبسسسس لا تبغى تورينا كمان قد ايش هي سنعه وراعية بيت
اقول غلووو ماعندك اخوات اصلي غبطت عمتكم ونفس اكون مكانها اذا كانت اختك زيك
8
8
صدق انقلب الموضوع ميه وستين قلبه

على العموم الحلى بالمره حلو وسهل ولا احلى منه الا اللي عملته
وبأذن الله راح اعمله قريب وراح اسميه حلا غلووو
مشكوره على الحلى والله يسعدك ويحقق امانيك ويحفظ غاليك يارب

وراكم تبون اختي ؟؟
وانا وراني ماانفع ..كثير هذري وكله نصب ..
خلاص اختي اختي الشكوى لله ..
>>>انقهرت تمنت لو قايله انه اختها السنعه عشان تخطبوني انا ..
تراني صدقت الموضوع معاكم .الله يستر لايكون صدق وانا ماادري

ياحبي لكـ توني استملح الحلا بعد ماصار بااسمي ..

يجزاكـ الجنه ووالديكـ..
03-12-1429 هـ, 03:21 مساءً
 
اقتباس مشاركة  (سهيت وحبيت)
ماشاء الله تبارك الله

يابخت منهو يجالسك

وش حلوك بسم الله عليك

كيف عوالش ؟؟؟

تسلم يدينك على الحلى

<<< ماتدري من سواااه ..

ياحبي لكـ ..
ابشرك ..كل من قعد معي ..ماتمنى بعدها جلــسه ثاانيه ..
مير الحمدلله انه انتي بعيده عني ..اقلها تتمنين ..بعضهم يندموون

وعوالي ابشركـ تمام التمام ..توهم متروشين ويلعبون سوني
>>ياكثر مايتروشون ويلعبون سوني

يجزاكـ الجنه ..
وتراني انا اللي مسويتن الحلا






اقتباس مشاركة  (سديم الشوووق)


بسم الله عليك ماشاء الله لا اله الا الله,,

وش هالزين ان بغيتي حكي وكلام يوسع الصدر [img]http://smilies.******.com/psmilie/009.gif[/img]

وان بغيتي طبخ وسنع ماشاء الله بس [img]http://smilies.******.com/crazy/018.gif[/img]

طبي وتخيري ,,

قمة الابداع انتي ,,

يعطيك العافيه ماقصرتي ,,

هلا باللي قذلتــها تنسدل على جبهتها ..

قليل مما عندكم يالغلا ..
ياحبي لكـ ..تراني استحي مااره خاصتن من المدح

وهـ ..ياخزيااه الوحيده اللي ماعرفت ارد عليها ..

يجزاكـ الجنه ووالديكـ ..
03-12-1429 هـ, 03:24 مساءً
 


الساعة الآن 05:32 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏