الحين طريقه حشو الربيان
تجيبين ربيان مجفف تلقينه بالسوبر ماركت ان شاء الله تاخذين منه مقدار بعدين اتنقعينه مده يعني من الليل احسن عشان يطرى صفيه وغسليه زين بهدين دقيه بالهاون مال الثوم لما يتفتفت بعدين حمسي بصل مفروم تقريبا 2 حمسيهم بقليل من الزيت لما يطرى بعدين ضيفي الربيان المدقوق وحمسيه زين وزيدي الزيت حسب الرغبه حمسيه بزيت الزيتون افيد بعدين حطي اشوي هيل بودره وشوي كركم وكزبره ناشفه وكمون وفلفل اسود وكاري اشوي ورشه دارسين واستمري في الحمس بعدين فرمي كربره خضره تقريبا ملعقتين وحطيه فوقها وحمسيه اشوي وبس سكري الحمسه بعدين حطيه فوق الرز قبل لا تسكرين النار ووقت الغرف عزلي الحشو بعدين غرفي الرزوعدليه بالصينيه وبعدين جمليه بحشو الربيان إذا تحبينه اما إذا ماتحبينه فألغيه وبدليه ببصل مقلي شرائح مثل بصل الكشري
قدميه مع الدقوس ودقوس الصبار............ دقوس الصبار هو
حمسي بصل وثوم بزيت زيتون انفع وضيفي اشوي ماجي كسره اصغيره بس لان الصبار مالح لاتكثرين وكركم وكاري رشه بس واتكوني امنقعه الصبار الي هو تمر هندي صفيه واخذي الماء الصفى منه الحامض وضيفيه لحمسه البصل والثوم وملعقه صلصه طماطم وزيديه اشوي ماء إذا احتاج وخليه يتسبك اشوي وبس إن شاء الله افدتج



اما محروق صبعه فهو مثل المرقوق بس بالخبز
حمسي بصل وثوم وإذا تحبينه بالدجاج او اللحم بس هو اصلا ساده بس بالخضار
حطي بطاط مقطع مكعبات اكبار وكوسه الحبه قطعيها اربع او 6 قطع وفلفل بارد مفروم وحمسيهم زين وضيفي كركم وكاري وكمون وماجي ونص علبه صلصه طماط وحمسي عدل لما تتشرب النكهه بعدين حطي ماي وإذا تحبين لومي اسود ناعم اشوي وفلفل اسود وملح وإذا تحبين الفلفل الحار حطي ابراحتج انا احبه اشوي حامض فأضيف له اشوي اصبار الي هو التمر الهندي انقعه واصفيه وآخذ الخلاصه مالته بس لاتكثرين ممكن ملعقتين بس
خلي الماي يغلي بعدين اتكونين امجهزه خبز امقطع اما العادي الي انتو تستعملونه الخفيف الارغفه او خبز الصاج الكبير الي يجي طبقه وحده إن شاء الله عرفتيه او اي خبز تحبين المهم ضيفيه بالتدريج على المروق وحركيه إذا تحبين ضيفي ملعقتين عدس الاحمر عرفتيه وحركي الخليط وخليه على نار هاديه وغطيه بس كل اشوي حركي عشان ما يلزق بالجدر بعدين ضيفي قرع وفلفل حار عدل حسب الرغبه وخليه نص ساعه مع التحريك بن فتره وفتره وزيدي الماي حسب الحاجه وبس سهل وحلو بالبرد إدفي
وبالعافيه



تسلمين ياقلبي حولانار
وربي يعطيك الصحه والعافيه

كفيتي ووفيتي
والله يعطيك على قد نيتك يارب ياكريــــــــم .....


وبخصوص محروق صبعه راح ألغي جميع الخضروات لآني ما أستحب أكلها عدا البطاطس
بجربه على البطاطس فقط
اقتباس مشاركة  (حايليه)
السلام
المموش عباره عن عيش و ماش تطبخينه عادي و على الوجه تجطين سمن عداني
أما محروق صبعه تهو نفسه حراق اصبعو عند السوريين يعني مرقه لحم و خضره عاديه بعد ما تستوي يكون عندج خبز ما تبينه تقطعينه صغار و تقطينه فوق المرقة يعني تقدرين تقولين عنه مرقوق الرفله
و على فكرة في نوع مموش ثاني هو مموش الربيان هذا ما اعرفه
اتمنى تني افدتج
تسلمين ياقلبي
والله يعطيك الصحه والعافيه
السلام عليكم
ماسوينا شئ احنا هنا خوات وانتعاون ان شاء الله
وجربي بالبطاط عادي وممكن الجزر بعد ابراحتج
وحياج الرحمن





الساعة الآن 07:36 .