Analysis Services
اقتباس مشاركة  (شمام عسلي)
اول شي قطعي بصل كثيــــــــــــــــــــــــر وثوم
ثم قلبي البصل مع بهارات مشكله (حنا نسميه في القصيم بزار) وشوي كمون وفلفل اسودوملح واعاود دارسين وكم حبه هيل ومسمار((عويدي او قرنفل)) بس لاتكثرين وملح
بعدين حطي فلفل رومي عشان الريحه بس
وقلبيهم زين بدون زيت طبعا لان اللحمه بتنزل دهن ومويه
بعدين حطي اللحمه في قدر واسع وقلبيها مع البصل قبل تحطينهم على النار بعدين قصري النار مررررررررررررررررررررررره خليهاتستوي على مهلها ولا تضيفين مويه ابد ابد
طبعا في قدر عادي تاخذ من ساعه ونص لساعتين وفي قدر الضغط ساعه
وبس استمتعوا باحلى حميسه
26-11-1430 هـ, 09:34 مساءً
 
احنا طريقتنا غير عنكم كلكم

احنا الحميس عندنا

عبارة عن لحم مقطع صغار مرررة مع شحم مقطع صغار طبعا الكمية كثيرة مررة ...

بعدين نحطه في قدر كبير ونحطه على النار مع ملح ونخليه حتى ينجح مررة بعدين نخليه زيادة حتى يذوب الشحم ويتحول لزيت

وينحمس معاه اللحم يصير كانه مقلي ... امممممممممممم مرررة لذيذ

بعدين نخليه ونطفي النار عليه وبعد مايبرد نشيله في اي مكان نحفظه فيه اذا كان بالشتاء نخليه برا بالدولاب او اي مكان واذا بالصيف لانقسمه في علب وندخله الثلاجة
... ممكن يستخدم على الايدام او على الرز او ممكن تسوون كشنة بصل وطماطم وتحطون عليه من الحميس ويناكل بالعيش اممممم مرررررة لذيذ ...

اهلي يسوونه .. امي الله يحفظها ويخليها كانت تسويه وكنت اشوفها ...
26-11-1430 هـ, 09:50 مساءً
 
مثل طريقة الاخت
26-11-1430 هـ, 10:40 مساءً
 
حميستنا تختلف شوي
اهم شي تكون الذبيحة توه مذبوحة يعني تصلح يوم العيد
ناخذ من كل أجزاء الذبيحة شوي مانخلي شي
من الرقبة والضلوع والرجلين ولحمة البطن مع الكبدة و الكلاوي والقلب
ويقطعون قطع متوسطة
والكرشة والمصران (طبعا يكونوا منظفين كويس و غالينهم مع كمون وملح عشر دقايق)

نحطهم بالقدر ونضع عليهم البصل وتكون كميتة كثيره شوي
ونحط البهارات (البزار) والملح والحبحر الأحمر المدقوق واعواد الدارسين وكم حبة هيل عشان الزفرة تروح
ونحطه على النار لين يتسبك واذا حسينا ان الحميسة سخنت نضيف اليها الماء للي يحبون يشربون مرقتها
ولازم النار تكون هادية تحتاج من ساعة الى ساعة ونص لان اللحمة تكون طازجة فما تاخذ وقت كبير

وبالف صحة وعافية يارب
26-11-1430 هـ, 11:34 مساءً
 


الساعة الآن 08:23 .