مرحبا بنات وش رايح تسوون بعيد الاضحى يعني من تقومون الفجر الى بالليل

انا اقوم الفجر اقعد البس والبس ولدي بعدين اروح لبيت الحموله انا كنت اصلي العيد اول بس هاذي السنه ماقدر ولدي الله يصلحه يمشي بعدين يبهذلني لارحت للحموله اقعد ازين القهوه والشاهي لاجو الرجال من الصلاة عاد قعدو يذبحون ثم يرسلون لنا الحمه والكرشه طبعا الكرشه والمصران هم ينضفونهن قبل مايجبونهن عاد انا وحمواتي نسوي لهم حميسه وهم يسون الكبده نجلس نفطر بعدين هم يكملون الذبح وحنا عاد نبدى نشتغل نحمس الروس والكرعان ونقطع الكرشه والمصران ونطبخهن نص طبخ ثم نكيسهن ونحطهن بالفريز عشان خالتي ماتتعب ثم لا صار الظهر نعطي الرجال الحميسه ونتغدى بعدين الي يبي يروح لبيته ينام الله يساعده بس انا اجلس عند خالتي لا صار العصر زينت القهوه تقهوينا ثم لاصار بالليل عاد كلنا نجتمع بناتنا واعيالنا ونسوي رز ولحم ثم نتفرق وننام وهاذي قصتنا يوم العيد



عاد يالله كل وحده تقولنا وش رايح تسوي يوم العيد
04-12-1429 هـ, 11:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
(ونحطهن بالفريز عشان خالتي ماتتعب)

( بس انا اجلس عند خالتي )

ما شاء الله عليك شكلك طيبه مره الله يسعدك ويجزاك خير وكل عام وانتي بخير
05-12-1429 هـ, 12:19 صباحاً
 
صحيح طيبه بس مع الي طيب معي
05-12-1429 هـ, 12:31 صباحاً
 
ماشالله
05-12-1429 هـ, 12:44 صباحاً
 
انا البس وروح لم الحموله طبعن الخليطي اللهم لك الحمد يذبحون الضحايا ويشوون الكيده وبعض الحم ثمن نسوي حميسه ورز ونتغداء بعد الصلا ة ثم اروح البيتي ما طبخ ولا حاجه بس اساعد
05-12-1429 هـ, 02:35 صباحاً
 


الساعة الآن 11:07 .