المربيه الفاضله طريقتي مشابهه لك لكن لي ساعه اكتب ههههههههه الله يعين اللي بتطبخ

اعتمدت الرد لقيت طريقتك مثلي لكن بسم الله عليك ردك المختصر المفيد

حبيبتي سحايب ،،

لاتشيلين هم تراها ماتسوى ويازينها بل شغاله الهم ياختي في ذا المواعين
اللي بتضيع وقتك ،،

بس انتي تقولين أهلك معزومين بعد كذا انحلت نادي وحدة من خواتك تجي بدري يعني
حسب موعد غداكم اهي تبكر ساعتين بالجية ،،

ترتيب البيت من يوم عرفه بعد الفطور نظفي مطبخك زين بعدين رتبي البيت من كُله
وجهزي غرفة الأكل زي ماقالت الاخت شام حطي فيها السفره والفاكهه والملاعق والصحون ووو عدة السفره

بالمطبخ جهزي صنايا القهوة والفناجيل والتمر بس "ماهو لازم حلا ولا خرابيط " اذا ودك جيبيلك معمول من بره
وغلفيه وجهزيه مع القهوه ،،

الغداء ياعزيزتي هذا يوم عيد ماهو يوم عادي يعني بلا خرابيط بعد وحتى السلطات سوي سلطه عاديه
بس نوعي بمكوناتها والأهم عشان الوقت جهزي مكوناتها بزبديه والا صحن من الليل بالثلاجه وقطعيها قبل
ماتكبين الرز ،،

سوي الكرشه بالطريقة اللي تحبين ايدام او مقلقله مع طماط ،،

الغداء زي ماقالو الأخوات جهزي قدر يناسب ذبيحتك وغسليها زين وادعكيها بملح خشن وليمون بعدين اغسليها
وشبي عليها قبل موعد جية المعازيم بأربع ساعات ،،

حطي مويه بقدرك يغطي الذبيحه اذا قرب يفوح حطي لحمتك والبهارات العدله والملح وملعقه بهارات اللحم و4 فصوص ثوم وحبتين بصل
مقطعات بالنص ،،

خليها ساعتين ثم شيكي على استوائه ثم طلعيها وصفي المويه ،،

حطي اللحمه بصينيه كبيره وجيبي باديه مرق وحطي مليها الا شوي موية اللحم وضيفي لها
ربع علبة صلصه + بيالة شاهي زيت + فنجال صلصة صويا + ملعقة صغيرة مصفر
وادهنيها ودخليها الفرن وبعد خمس دقايق اقلبيها وخليها ليمن تنشف المويه اللي تحتها وتبدأ شوي تحكك ،،

الرز طبعا تكوني غاسلته ومنقعته من قبل وهو الرز العادي الوليمه - ابو كاس -الشعلان هذولي احسن شي
مقدار الرز زي ماذكرت الأخت ام حمودي تقريبا 10-12 بادية
بعد ماصفيتي موية اللحم كبي الرز وقيسي المويه زين والملح وحطي علوب فلفل وحبوب هيل ودارسين وقرنفل
وورق غار وليمون اسود وزيت حسب شوفتك وحطي ببالك زيت اللحم وكشنة الرز اللي فوق
وخليه ليمن ينشف ،،

تكوني مقطعتلك 3 حبات بصل زي ماتحبين مربعات او شرايح وحطيه على النار ليمن يذبل ضيفيله ملعقة كركم "مصفر"
وملعقه ونص ليمون اسود مطحون والزبيب والصنوبر ومكسرات اذا حابه ،، وتقريبا 3-4 ملاعق كبار سمنه ،،

بهالوقت جيبيلك نص كيسة مكرونه سباقيتي واسلقيها مع حبة ماجي وشوي مصفر وشوي صلصه وذوقي الملح ،،

بعدين قدميه وصفيلك شرايح طماط وفلفل رومي وفلفل حار
وبيض مسلوق وليمو "تكوني مجهزتهم من بدري"

وهذا ماعندي والله يكون بعونك وتبيضين وجه زوجك ان شاء الله .

الله يوفقك والبنات ماقصروا كفوا ووفوا

http://www.google.com.sa/custom?domains=forum.hawaaworld.com&q=%D8%C8%CE+%CE%D1%E6%DD&sa=%C7%D0%E5%C8&sitesearch=forum.hawaaworld.com&ie=windows-1256&oe=windows-1256&hl=ar

http://www.google.com.sa/custom?hl=ar&inlang=ar&cof=&domains=forum.hawaaworld.com&ie=windows-1256&oe=windows-1256&q=%D8%C8%CE+%DF%C8%D3%C9+%CE%D1%E6%DD&btnG=%C8%CD%CB%21&sitesearch=forum.hawaaworld.com&meta=

ابي اعرف مين نجحكم في الاملاء خخخخخخخخخخخخخخخخخخخخخخ <<<< طبعا مو كلكم ....... المهم اطبخي الحم حطيه بالقدر وانصبي عليه المويه واملحيه وقطعي عليه بصل ولا تبهرينه اذا كان الحم تيس اما اذا خروف وله ريحه حطي هيل عليه بس مو بهارات كثير عشان المرق ما يخرب .اذا استوى الحم طفي عليه وابدئي كشني بقدر ثاني للرز وخذي من المرق الي انطبخ فيه الحم بس مو كله . واكبسي الرز بالقدر الثاني طبعا تكشينه الرز انتي ومهارتك فيه .. اما ترتيب البيت لا يجي يوم العيد الا وانتي منتهيه منه .. والحلا وتقطيع الايدام من اليله الي قبل يعني يجي صباح العيد تنتظرين متى تطبخين العيد وافضل تطبخينه الساعه 11 لان الدنيا برد ومارح يخمد بسرعه هذا اذا انتم تتغدون بدري يعني يجي الساعه وحده وكل شي مخلص من ايدام على رز على الحم والحلويات من اليل سويها والسلطات بعد وراح ترتاحين ... دعواتك خيتووو وكل عام وانتي بالف خيرررر