السلام عليكم ورحمة الله وبركاته ...


مســـــــــــــــــــاء / صبـــــــــــــــــــاح الخير

كيفكم , اخباركم , كل عااااااااام وانتم بخير


حبيباتي الان اكيد الوقت وقت عيد والكل قاعد يفكر وش بسوي ووش بيحط وطبعا واكيد اكيد فكرتم بالاضحية


عشاء غدا تعزمون وما تعزمون وش بتحطون وش بتضيفون وتشيلون هههههههههههه


انا والله فكرت وبصراحه احترت اذا سوينا الاضيحة اكيد غداء او عشاء (( مدري نحط بيض مسلوق , وزبيب , وليمون )) هذي الاضافات الي عندي وش عندكم انتم


طبعا يصير على جنب فاكهه و لبن ومشروبات غازية وماء ومرق او جريش او اثنينهم سواء وطبعا السلطة اهم شيء انا قبل اضفت حلا واعجبتنا الفكرة بس هالعيد احترت وش الحلا الي يبض الوجه وطبعا انا بحطه بعلب بلاستيك صغيرة دائرية الكل يعرفها الي لها غطاء المشكلة مو بالتقديم المشكلة وش الحلا طبعا انا حطيتهن بالبلاستيك لان المعازيم كثااااااار والبلاستيك اسهل بالحفظ والنقل اسويهن قبل وابردهن اليما وقت العزيمة (( ادري بتقولون كسوله بس ماعلي منكم ))

هه وش رايكم وش الاضافات الي اضيفها وتكون سهلة وتبيض الوجه ولاتنسون الحلا وش اسوي على فكرة

امي هي الي تطبخ الذبيحه والله يسلم يديها الكل يمدح الاكل وربي جوناااااااااااان


وانا واختي الكبيرة علينا الباقي ..........


هه بليز افيدوني ترا اول مرة اطلب قولولي وش تضيفون ووش افكاركم

واهم شيء الحلا (( ودي ازين حلا قهوة وحلا العشاء )) مدري اقترحوا والي عندها افكار تسدحها هنا

ويعطيكم الله العافية

ودمتم سالمين
06-12-1429 هـ, 03:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بسم الله 10 مشاهدات ولا احد حط لو ايقون طيب


الله يسامحكم

06-12-1429 هـ, 03:59 مساءً
 
حطي في الكاسات سويس رول مقطع وفوقه الخلطه المعتادة للتشيز كيك الكيري والدريم ويب والكريم كراميل وبعد ما تحطينها بالثلاجة حطي اصابع رينقو او هرشي سائل معذرة اكتب بسرعة ان شاء الله واضح
06-12-1429 هـ, 04:05 مساءً
 
حبيبتي الله يسهل عزيمتكم يعطيك العافيه ويرزقك كل ماتتمنين يارب ويخليلكم الوالدة
06-12-1429 هـ, 05:56 مساءً
 
هلا والله مشكورين يالغلاوتين الامورتين



هدؤ 1 (( ايوا واضح يالغلا ))
مكسرات عسل مشكورة لدعوتك للماما

يعطيكما العافية على المساعده والدعوة

وايضا عذب مروركما



06-12-1429 هـ, 09:31 مساءً
 


الساعة الآن 06:33 .