هلا ومرحبا يا خواتي الكويتيات ممكن طلب ؟
ابغيكم تدلوني اهم مراكز التسوق في الكويت وتكون شيك واسعارها حلوه وين مكانها ؟
ابغي اعرف اهم مراكز الترفيه للعيال عندكم مثل الملاهي وغيرها؟
ابغي اعرف هل الاسعار تكون رخيصه في هلا فبراير او انها خدعه وبس؟
اي محلات تنصحوني اروح لها مع ابو العيال ؟
اهم الفنادق المحترمه عندكم والحلوه خمس نجوم؟
لاني ان شاء الله راح اكون في الكويت اول ايام العيد وراح نبقى اسبوع فأيش البرنامج الي المفروض اسويه علشان جولتنا تكون حلوه وما نضيع وقتنا على الفاضي؟
و ايش المعلومات عن سوق المباركيه ايش فيه وهل تنصحوني فيه؟

واخيرا ممكن القى رد على اسئلتي هذي وبأسرع وقت علما اني بكون ليله العيد في الكويت ؟؟؟؟
فأرجوكم لا تطنشوني
07-12-1424 هـ, 12:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حياج الله بيتج ومكانج الكويت وزين ما اخترتي الكويت بتنور ان شاء الله

الله يسلمج برد عليج

هلا ومرحبا يا خواتي الكويتيات ممكن طلب ؟
ممكن
ابغيكم تدلوني اهم مراكز التسوق في الكويت وتكون شيك واسعارها حلوه وين مكانها ؟
هذي مجمعات انتي وابو العيال وحتى الاطفال بيستانسون فيها فيها سينما ومطاعم والعاب للاطفال : عندك سوق شرق - مرينا مول - الفنار - البستان - ليلى جالري - سوق السالميه
عندك مجمعات تكون كلها ماركات علاميه وشيك من قلب : مجمع الصالحيه- الرايه- برج السحاب- فلا مودا

ابغي اعرف اهم مراكز الترفيه للعيال عندكم مثل الملاهي وغيرها؟

حديقة الشعب - المدينه الترفيهيه- مركز التقدم العلمي " روعه" - العاب طفل المستقبل " في كل مجمع موجوده"


ابغي اعرف هل الاسعار تكون رخيصه في هلا فبراير او انها خدعه وبس؟
والله الصراحه في بعض المحلات تسوي خصومات حلوه للبضايع وبعضها لا ء- بس اكيد راح تلقين اسعار تناسبك ان شاء الله
اي محلات تنصحوني اروح لها مع ابو العيال ؟

اذا تقصدين مجمعات واسواق كلها عائليه وحلوه وتصلح لكم انتوا لاثنين
اذا تقصدين مطاعم انصحك في المطاعم اللبنانيه واللي غالبا ما تكون عائليه وحلوه مثل : ميس الغانم على البحر يصير - القصر البردوني - قصر النخيل - [ نيون - لونوتر ---> هذيل غالين شوي] - فندق شيراتون كل مطاعمه روعه
بخارى هندي , الطربوش لبناني والكل حلو .
اهم الفنادق المحترمه عندكم والحلوه خمس نجوم؟
فندق سفير انترناشونال على البحر - شيراوتون- مريديان على البحر -هوليدي ان بس بعيد شوي

لاني ان شاء الله راح اكون في الكويت اول ايام العيد وراح نبقى اسبوع فأيش البرنامج الي المفروض اسويه علشان جولتنا تكون حلوه وما نضيع وقتنا على الفاضي؟

والله شوفي انا انصحك في المجمعات اللي ذكرتها لج اول شي مثل سوق شرق والفنار وهذيل لان حلوين حيل وفيهم مطاعم واماكن ترفيه يعني شامله وكبيره حيل وكلهم يصيرون على البحر في السالميه

و ايش المعلومات عن سوق المباركيه ايش فيه وهل تنصحوني فيه؟
سوق المباركيه سوق عادي يعني كل شي فيه ملابس واحذيه ومكياج الهنود " اذا سامعه فيه " وشنط وكل شي
زوريه حلو يمكن يعجبج فيه ملابس حق البيت وغيره

وعيدج مبارك واذا عندج اسأله بعد حياج الله

ولحظه اذا تبون تتعشون على الخفيف يعني ما ودكم تقعدون في مطعم وبس تاكلون بالسياره
عندكم شارع المطاعم يصير بالسالميه انتي بس سألي عنه والكل يقولج وين
كله مطاعم يمين ويسار
واحلى مطعم فيه " فرح" لــــــــذيــــذ يعني شورما وكباب وسندويشات وعصاير وجذي

وكل عام وانتي بخير ونحن بالخدمه
07-12-1424 هـ, 02:56 صباحاً
 
بنات الكويت ما راح يقصرون معاج
تروحين وترجعين بالسلامه
07-12-1424 هـ, 01:10 مساءً
 
** الأماكن الترفيهية **ــ الواجهة البحرية ــ بإمتدادها الواسع والجميل حيث تحتوي على العديد من الأماكن الترفيهية والمطاعم وأبراج الكويت
ـــ المدن الترفيهيه
ــ المدينة الترفيهية
ــ حديقة الشعب
ــ شوبيز
ــ صالات البلياردو
ــ الحدائق المنتشره
ــ أكوا بارك
ــ منتزه شاطىءالمسيلة
ــ صالات طفل المستقبل للألعاب ( منتشره بأغلب مجمعات التسوق الكويتية )
ــ حديقة الحيوان
ــ النوادي البحريه
ــ المركز العلمي ( عباره عن صرح علمي جميل يحتوي على بعض الصالات للتعريف بالبيئة الكويتية , سواء البحرية ( الأكواريوم ) أو البريه بالإضافه لوجود السينما التي تعرض الجميل من الأفلام العلمية ثلاثية الأبعاد .

** الأسواق **

طبعا تختلف مستويات الأسواق ما بين الضخم والبسيط والعادي و هناك أسواق محلاتها ذات أسعار معقوله و البعض الآخر من المجمعات ذات البضائع العالمية المختلفه ( الماركات ) وتلك غالبا تكون أسعارها مرتفعه
ــ منطقة العاصمه _

ــ سوق المباركية ( يعتبر السوق الرئيسي في دولة الكويت وهو عباره عن عدة أسواق متنوعه تجتمع في منطقه واحده والكثير من تلك الأسواق حديثة وتحتفظ بمسمياتها القديمه ( كسوق الخضار ـ سوق السمك ـ سوق الحلوي ـ سوق اللحم ـ سوق السلاح ـ سوق الذهب _ سوق الحريم ـ سوق الجملة إلخ ....... )
ــ سوق شرق ( من الأسواق الحديثة والجميله والتي تم إفتتاحها بالتسعينات )

ـــ منطقة السالمية ــ

ــ شارع سالم المبارك (السوق الرئيسي) وهو سوق ممتد ينقسم إلي أكثر من جزء ويسمي بالساسوق السالمية القديمه وسوق السالمية الجديده

ـــ سوق مركز السالميه ( أحدث المراكز التي تم إفتتاحها مؤخرا ) وهو مركز منوع يحتوي الكثير من المحلات ذات الأسعار المناسبة جدا بالإضافه إلي الكوفي شوب والمطاعم المختلفه ومطاعم الوجبات السريعه , وصالة كبيره لألعاب الأطفال
بالأضافه إلي مبان أخري ملحقه فيه تحتوي على سوق للحم والخضار والسمك والخضار والفواكه

ــ بعض المجمعات
ــ مجمع الفنار .
ــ المارينا مول( الأحدث )
ــ ليلي غاليري
ــ مجمع زهره
ــ مريم
ــ الوطنية
ــ البستان
ــ الدانه
ــ منيره
ــ بلازا السالمية

ــــ منطقة حولي ــ

ــ مجمع العثمان ــ مجمع المهلب ( الأحدث )
ــ مجمعي النقره الشمالي و الجنوبي
ــ السندس
ــ بلازا
ــ الأيوب

ــــ منطقة الفروانية ــ

ـ مجمع ميترو
ـ الحمراء مول
ـ الدبوس
ـ مبارك الصيفي
ـ مناور
ـ العربيد

ـــ منطقة أبو حليفه ــ
ــ كويت ماجيك ( من الأسواق الجميله شكلا وموقعا )

ــ منطقة الفحيحيل ــ
ــ مناور
ــ الدبوس
وهناك الكثير من شركات الأسواق المنتشره في الكويت مثل

ــ موذر كير
ــ بي إش إس
ــ الطبيعه
ــ سناء
ــ لاند مارك
ــ سيتي سنتر

** المطاعم **

من الصعب حصر المطاعم نظرا لكثرتها وتقريبا تنتشر تلك المطاعم في أغلب مناطق الكويت كما إن أغلب مجمعات الأسواق تحتوي على العديد من المطاعم المتنوعه والمشهوره لذا و نظرا لكثرة المتميز سأحاول أن أذكر الكثير منها فمثلا .....


ــ هناك العديد من المطاعم على إمتداد الواجهة البحريه ولعل أكثرها تميزا هي مطاعم شركة المشروعات السياحية ك

ــ مطاعم الأبراج

ـ لونتر باريس ـ أبل بيز ـ نينو ـ فرايديز ـ ريز ون ـ شيليز ـ شرمبي ـ

ــ مطاعم الشيراتون
ــ مطاعم كراون بلازا
ــ ميس الغانم ( دسمان )
ــ مطعم الأمم ( شرق )
ــ مطعم قصر يلدز ( شارع فهد السالم )
ــ بيكوك للأكلات البحريه ( ساس )
ــ المطاعم الصينية ( منتشره)
ــ مجموعه مطاعم قيصر( منتشره )
ــ مطعم مغل محل للمأكولات الهنديه والصينيه
( الشرق , السالمية ( الأكثر تميزا ) , الفحيحيل , الفنطاس )
http://www.mughalmahal.com/
ــ مطاعم جربللو
ــ مطاعم نودلز
http://www.noodlesrest.com/

ــ مطاعم شركة سلطان
ــ سكوير
ــ بانيني
ــ دينيس براتس

وطبعا هناك الكثير من محلات الكوفي شوب المتشره ولعل من أكثرها الموجود في الواجهة البحريه ـ المجمعات ـ شارع مركز سلطان ( السالمية )

ــ الوجبات السريعه ( حدث ولا حرج )

وحيااااج الله في الكوييييييت



07-12-1424 هـ, 02:21 مساءً
 
السلام عليكم ورحمة الله وبركاته
انا عضوه جديده (يعني رحبو فيني)
مشكوره اختي قطريه على موضوعك
ومشكورات الاخوات على معلوماتكم وياليت تدلوننا على شقق مفروشه فخمه
واذا امكن اذا فيه قريبه من مراكز التسوق0
وجزااااااااااكم الله الف خير0
07-12-1424 هـ, 06:07 مساءً
 


الساعة الآن 01:23 .