اخواتى مين تلحقنى بطريقة الملوخية السورية ؟؟

من لا يرحم لا يُرحم
اختي انا بعرف كتير طرق للملوخية في ناعمة وفي ورق وفي بماء وفي ناشفة ومابعرف سوريا باي وحدة مشهورة لكن انا حعطيكي طريقتي وان شاء الله تفيدك

ملوخية ورق ناشفة :

اول شي خذي الملوخية ونقيها منيح بحيث انك تفصلي العود عن الورق "" ممكن تجي مفصولة وجاهزة حسب الي عندك" بعدين اغسليها وانقعيها شي 10 دقائق بالماء الفاتر بعدين كبي الماء واضغطي قليلا على الملوخية وانتي عم تصفي الماء منها بعدين ضعيها في مصفاة للتخلص من كل الماء

بعد ذلك ضعي في طنجرة القليل من السمنة ولما بتحمى شوي ضعي ثوم مفروم ناعم" ورشة كزبرة ناشفة اذا بتحبي الكزبرة" وقليهم على النار حتى يبدأ الثوم يتحمر ثم اضيفي الملوخية وحركي وكل شوي اضيفي رشات من الماء حتى لا تلزق الملوخية بالطنجرة وبدك تستمري بالتحريك كل شوي انا بخليها شي تلت او ربع ساعة

وفي هذه الاثناء جيبي طنجرة تانية ضعي فيها سمنة ولما بتحمى ضعي ثوم وقلبيه شوي ثم ضعي قطع الدجاج ورشة ملح وقليها حتى تتحمر شوي " انا بجيب دجاج صدور دائما" بعد ما بتتحمر اضيفيها للملوخية وحركيهم منيح حتى ينخلطوا مع بعض بعدين ضعي ماء حتى تغمر الملوخية ما تكتري بس شي تغمرها وحركي شوي حتى تغلي بعدين اتركيها على النار مع التحريك كل فترة وفترة ومع كل تحريكة او اتنين ممكن تضيفي القيل من الليمون" نص ملعقة صغيرة " حتى تنشف كل الماء ولا تنسي تضيفي الملح في النهاية

ملاحظات :

اذا نشفت الماء والملوخية لسا ما استوت اضيفي كمان ماء

في النهاية تقدم وبجانبها عصير ليمون للي بحبها حامضة اكثر

اذا ما بدك الملوخية ورق انا بعمل نفس الطريقة بس وانا عم نقيها وافصلها عن العود بضغط عليها بيدي حتى تتكسر شوي بس

ان شاء الله البنات حيفيدوكي بطرق تانية لان حسب علمي في طرق كتييييييير للملوحية وكلهم طيبين

سلااااااااااااا اااام وان شاء الله اكون افدتك وتكوني فهمتي علي
يعنى يا أخت سورية الطريتين ملوخية ناشفة ؟ وهل الثانية ناعمة وبدون هرس؟


الساعة الآن 10:12 .