هلا والله وغلا

معليش واعتذر لكم جميعا اذا اخطأت في حق احد بس ترى موقصدي اني اسب او اخطأ في حقكم

لا والله بالعكس انا ابي اوضح للاخوات انو لو اشتغلت هي بنفسها وعلى حسابها راح تكون النتيجه افضل بكثير

والربح اكثر من انها تكون مندوبه لشركه

انا بصراحه مقهوره من الشركات

ليش انتي ماتاخذين نفس الصلاحيات وتسوين لك شركه هههههههه

يعني تعرفين محل ثقه وبضاعته ماشيه وتاخذين منه وتبيعين وراح اكتب لكم تجربتي

عشان تصدقون كلامي

والواحد يبدأ خطوه خطوه وعلى قده

انا في البدايه وبصراحه كنت متخوفه من شي اسمه تجاره لانهم يقولون التجاره ربح وخساره

المهم جا اليوم الي خلاص قلت لازم اسوي شي

عارفين كم كان معي وكم كان راس مالي شي ماراح تصدقون

كان معي 1000 ريال بس ولا بعد شريت لي بضاعه ب 700 ريال بس

اكسسورات و درزنين بس قمصان

بالنسبه للقمصان ماجلست عندي الا يوم واحد وراحت كلها وربي شاهد على الي اقوله

وكم كان الدرزن وكم كان الربح

الدرزن الاول ب 90 ريال بس وبعت القميص الواحد ب 15 ريال

شفتو كيف 15 ريال حلو ورخيص كمان

اضربي 15 في 12 الي هو عدد الدرزن

يطلع لك 180 ريال
اطرحي منه راس المال يطلع لك 90 ريال يعني اخذت راس المال 90 ريال وربحت فوقها 90 ريال

هذا من النوع الاول

طيب النوع الثاني
معليش بطول عليكم بس عشان تعرفون الي يبيع لنفسه انو يكسب اكثر من الي يبيع لغيره
النوع الثاني كان اغلى شوي قيمة الدرزن ب 130 ريال
بعت الحبه ب 20 ريال مع انها في السوق تباع ب 25 وفيه محلات ايضا يبيعونها ب 45 ريال
قلت التواضع زين والقناعه كنز
المهم
20 ضرب 12 = 240 ريال
اطرح منه راس المال الي هو 130 ريال والباقي هو 110 ريال هذا هو الربح

وربي يشهد علي اني دخلت الربح صافي من راس مال البضاعه الاولى 700 ريال نفس قيمة راس المال
وباقي من الاكسسورات من الوناسه والفرحه وزعتها على خواتي ههههههه

هذي تجربتي
والان بدأت في تجارة المكياج
والله يوفقنا وييسر امورنا ويرزقنا المال الحلال

وشكر خاص لصاحبة الموضوع
وشكر اخر لاختي الغاليه صادقة الشوق

واعتذار للجميع على الاطاله

فوالله ماكتبت هذا الكلام الي لاجل الفائده

فنحن احق انا نجني ثمرة اتعابنا كامله

وفقني الله واياكم لما يحبه ويرضى
02-01-1430 هـ, 04:31 صباحاً
 
الله يوفقكم جميعا
02-01-1430 هـ, 07:15 مساءً
 
جزاكن الله خير والله يوفقنا وياكن للربح الحلال
02-01-1430 هـ, 09:43 مساءً
 
اللهم امين

الله يوفقنا لما فيه الخير والبركه
02-01-1430 هـ, 11:35 مساءً
 
الله يعطيك العافيه اختي همسه لكن ممكن سؤال وين كنتي تعرضين بضاعتك يعني على مين
10-01-1430 هـ, 12:09 صباحاً
 


الساعة الآن 05:49 .