up
سوي الحلا الي بالباف ستري سهل وماياخذ وقت حطيه بحماصة التوست وداخلة قشطة الصافي او المراعي وصبي عليه حليب نستله المركز وزينيه بالشوكولاتة او المكسرات

وحلا الخرفان حلو وشكلة يجنن هو كرواسون الصغار اللي يباع بالبقالات تغمسينه بالنستلة وجوز الهند وراس الخروف بالشوكولاته وتحطين اعواد الكبريت رجول

وحلا الاوريو حطيه باعواد وغمسية بشوكولاتة وحلويات او مكسرات او ام اند امز وغلفي كل وحدة بسلوفان وشريطه

حلا السينامون سهل ولذيذ سوي زي عجينة عش النحل بس خليها لينة افرديها ورشي من داخلها السينامون ولفيها زي السويس رول وقطعيها ودخليها دقايق بسيطة الفرن وبعدها صبي فوقها نستله وجوز
وتقدري تسوي زيها كرات

او سوي كيكة العلالي العادية وزينها بالكريمة(( قشطة وزبدة وشوكولاته بودرة )) وغطيها بعدين زينيها بشوكولا هيرشي السائلة وحلويات ام اند امز ((( الكيك مااحد يعافه الكل يحبه )))


الفطاير سهله مرة
والاسهل اشتري خبز جاهز المفرود والصامولي الصغار وخبز البرجر الميني وادهنيهم بلبنة او مايونيز واحشيهم باللي تبين
الدجاج او المارتديلا او الخضار المشكلة
او سوي الكودو
اللي هو قطع دجاج مع بصل شرائح وفلفل بارد ومكعب ماجي وفلفل حطيهم كلهم وقت واحد مع بعض على النار لما يستوو
وادهني الخبزة بمايونيز واضيفي جبن موزاريلا خيال ماينشبع منها والرجال يحبو الاشياء الدسمة اللي مثل كذا

والاهم عشان تواجه مرة مرة وتبيضين وجه زوجك اشتري السلال القش (ا لسبت) وزينيها بالورود او بحركات حلوة من عندك وافرشي من داخل مفرش كاروهات اصفر او احمر وصفي الفطاير فيها وغلفيها بتطلع خياليه وكبري السلة وعبيها فطاير يكفي وحدة اذا كانو مايتعدون العشرة

والحلويات حطيها بالصياني الخشبية او الصياني الملونة تلاقي في ساكو او البيت الصيني اشياء حلوة حطي من تحت قصدير وصفيها وزينيها بوردات او حظي اشكال العاب تجي خاصة للحلويات وغلفيها بالسلوفان وشرايط ملونه

زوجك بيستانس منك وبيقول لك شكلي فاتح فرع حلويات جرير في بيتي وانا مدري

والله يوفقك


ساعات رولكس
اب
مشاء الله اخت فارسة بلا فرس
كفت ووفت
الله يحـــــــــــــــفظها
سوي سمبوسة صغيرة بالجبنة ورشي عليها شيرة أو جبنيه


الساعة الآن 04:08 .