السلام عليكم ورحمة الله وبركاته
فيه أمور كثيره حابه أستفسر عنها أدري بعضها المفروض أستفتي فيها شيوخ لكن عندي تحفظ على مسألة اني أكلم شيخ ومااقدر أقول لاخوي لانها امور خاصه فيني
الامر الاول:هل فيه وحده جربت ترقي نفسها بدون الرجوع لراقي وشفيت؟وكيف عرفت ان فيها عين؟
الأمر الثاني:هل الاستماع لرقيه عن طريق شريط ممكن يكون تأثيره مثل الراقي؟
وهل اذا استمعت لرقيه أخرج من حديث)ولا يسترقون(؟
الامرالثالث:هل ممكن العين تأثر عليك بعد فتره يعني مثلا العين كانت في الطفوله وماحسيتي الالما كبرتي؟او يمكن كنت أحس بس محد لاحظ..لأني وأنا في الابتدائي كنت شاطرره مره أحفظ أي شي واشتهرت في المدرسه بهالشي لدرجة ان المديره نادت امي تقول بنتك كيف تدرسونها بالبيت قالت امي لامحد يدرسها المديره استغربت وصارت دايم تسأل وينادوني في كل المسابقات وكل الانشطه والحين لما كبرت دايم أحلم في المديره انها تناظرني فهل هذا ممكن يكون دليل كافي على العين؟ووش الحل اذا مااقدر آخذ من أثرها؟مع العلم بأني ماأحب أفسر أحلامي.
الأمر الرابع:أنا دايم أحلم بشي ويصير اليوم الثاني بس أمور تافهه جدا يعني مثلا أحلم بمنظر معين أشوفه اليوم الثاني في التلفزيون سئلت قالوا الحاسه السادسه بس مااقتنعت فهل لها علاقه بالأمراض الروحيه؟
مع العلم اني دايم أقرأ قرآن وأحفظ ولله الحمد والأذكار دايم أقولها بس هذه تساؤلات طرأت علي وحبيت أطرحها لأن منكم الراقيه والمسترقيه والمثقفه والباحثه والمجربه فياليت ماتبخلون بعلمكم بإذن الله فيها الفائده لي ولكم..واسأل الله الثواب لكل من قرأ ومن مر ومن شارك ومن بحث ومن رد ومن لم يرد..وشكرا
يلزم عليك تسجيل الدخول أولًا لكتابة تعليق.
باقي من الوقت:
•
فووووووووووق
الصفحة الأخيرة