السلام عليكم ورحمة الله وبركاته

لو سمحتوا أخواتي بنات الإمارات أبغي طريقة حلوه لعمل الخمير(خبز الخمير) أبغي الطريقة اللي تخلي الخمير فت (يتفتفت) وطري ورفيع وطعمه حلو...

يالله أدري إنكم ما بتخيبون ظني....صححححححححح حححح

أترياكم

سبحان الله وبحمده.....سبحان الله العظيم
سلام عليج اختيي... أنا عندي وصفة مجربة لكن مش أنا شخصياً صراحة اختي جربتها و تقول حلوة..
أنا لسه مما عندي الأدوات الخاصة فيها.. هيهيهيهي

المقادير:
1 كوب طحين
ربع كوب زيت + 2 ملعقة طعام زيت
نصف ملعقة طعام خميرة
4 ملاعق طعام نيدو
شوي أكثر من ربع الملعقة بيكنغ باودر

الطريقة:
تعجن جميع المقادير بالماء حتى تتكون عجينة رخوة نفس الكيك.. و تترك ليلة كاملة.. يعني أحسن عجنيها من بالليل عشان تطبخينها الصبح..
قبل طبخها.. تضاف 2 بيض و تعجن مرة أخرى.. و تقرص... عاد أضني اتعرفين كيف صح؟؟
ممكن تسوينها بالسمسم أو بالحبة السودا..

إذا عندج أي استفساراختي خبريني بسألج أختي..
مرحبا السااااااااع والله بأم محمد...

مشكورة الغالية على الطريقة...بس عندي شوية أسإلة...

الطحين رقم 1 وإلا 2...

الخميرة الفوريةاللي حبوبها صغار وإلا الخميرة العادية اللي حبوبها أكبر شوي (الجافة)

بالنسبة لزيت إنتي قلتي( ربع كوب زيت + 2 ملعقة طعام زيت) يعني يكون المقدار كامل مع بعض...

وبالنسبة للبيض ليش ما ينضاف مع العجينة قبل ما تخمر...ليش تنحط عقب...وبعدين ما اتم ريحته طالعه ساعات البيض تبين ريحته قوية...أقدر أحطه قبل...وإلا لاااااااااااااا

ومرة ثانية مشكورة الغالية...


الساعة الآن 08:55 .