انا اليوم حبيت اسأل اهل الخبرة بالمحاشي لاني اموت علي محاشي الورق عنب والكرنب والكوسا والباتنجان وغيره
المهم انامرة عملت الورق عنب طلع جدا فاشل مااستوى واحترق من تحت
ونفسي اخذ منكم ياخبيرات المحاشي الطريقة الصحيحة للورق عنب انااحبة يكون حامض وصغير وطري
وسؤالي ايت احلى للمحشي الكرنب والكوسا وغيرة من الخضار الصلصة الحمرا ولاالي بس موية وماجي اناعملت مع الكرنب البيضا والكوسا الحمرا بس ماطلعت مسبكة وزعلت
وكمان لما اعمل الكوسا لازم اخلي الموية مليانة ولااخلي الموية للنص
معليش طولت بس ابغى اعرف لاني احب جدا المحشي ونسي اتفنن فيه وخاصة ورق العنب ابغى بالتفصيل من ا الى ي
بالنسبه لورق العنب البارد:
الحشوة:رز مصري منقوع ـ بقدونس مقطع صغير بهارات ـ زيت ـ طماطم ـ بصل مفروم وثوم
تحطي الزيت وبعدين البصل بعدها الثوم و الطماطم بعدين البهارات و الملح ونحرك حنى تتسبك بعدها البقدونس يكون كثير و الرز
بعد ماتلفي ورق العنب تكوني حاطه بأسفل القدر شرايح بطاطس بعدها ترصي ورق العنب فوقها بعدين تحطي زيت يمكن نصف كوب و عصير ليمونتين وشوي نعناع كم ورقه وفصين ثوم وشوي ملح بعدها حطي صحن أو أي شي يضغط على ورق العنب علشان ماتتفكك مع الغليان بعدها حطي مويه مغليه تكون مرتفعه عن مستوى ورق العنب ....
أنا أسويه في قدر الضغط وياخذ نصف ساعه على نار هاديه مررررررره
ورق العنب الحار يستخدم في حشوته لحم مفروم .....


الساعة الآن 05:44 .