السلا م عليكم
كيفكم بنات
ماودي اكثر الكلام بس حابه اشارك في هالقسم بهالمشاركه
ودي اسالكم يابنات كل وحده منكم تقول على اكله تبدع فيها وياليت تحط المقادير والطريقه
وان حطتها بالصور اكون شاكره لها
وفي المقابل اللي ماتبدع في اكله تقول على الاكله اللي عجزت تعرف لها يمكن تلقى مساعده
يعني باختصار ابغى كل وحده منكم بعد اذنكم تشاركني في موضوعي
بالنسبه لي ابدع في المكرونه بالباشميل مع الخضار بدون لحم اودجاج
واكره شي اسمه محلا ومستحيل اصلحه اواتعلم اصلحه
على العموم طريقتي في المكرونه:
المقادير:
مكرونه-بصل- فلفل اخضر -كوسه-جزر -بطاطس -رشة ثوم مطحون -كزبره خضراء- 2ماجي جبن سايل ملعقتين كبيره
-بقسماط-جبن موزيرلاء -كاري -كركم -فلفل اسود-كمون -زيت
مقادير الباشميل:3ملاعق دقيق-ملعقتين حليب في كاس مويه -زيت في غطاء الزيت نفسه ملعقه كبيرة جبن سايل
ملح حسب الرغبه-فلفل اسود-رشة بهارات
طريقة الباشميل:اخلطي المقادير في الخلاط ماعدا الجبن بعدين حطيها على النار لحدماتغلي بعدين اضيفي الجبن
السايل والملح والفلف الاسودوالبهارات
اعداد المكرونه:
تسلقين المكرونه مع ملح وحبة ونص ماجي وشوي زيت
قطعي الخضار بشكل طولي بعدين اسلقيها لمدة ربع ساعه
قطعي البصل والفلفل شرائح حطيها في القدر مع شوي زيت واحمسيه واضيفي الثوم نصف ماجي وبعدين اضيفي الكاري والفلفل الاسود والبهارات واخيرا الجبن السايل بعدين اضيفي الخضار المسلوقه ورشة الكزبره الخضراء
وقلبيها مع بعض بشويش عشان ماتنهرس
اذا استوت المكرونه حطي عليها شوي باشميل
خذي شوي بصل واحمسيه مع زيت واضيفي له ملعقه حليب بودره بشكل سريع بعدين اضيفيه على المكرونه واخلطيه معه (يعطي المكرونه طعم خيال)
جهزي الصينيه البايركس وحطي طبقة مكرونه بعدين طبقة خضار وبعدين طبقة مكرونه حطي الباشميل
بعدين خذي البقسماط وحطي معه رشة فلفل اسود ورشة كمون وحطيه على وجه الباشميل (وهذا سر الطعم الرائع بدون مبالغة) اخر شي حطي جبن الموزريلاء وخليه يتحمر بس من فوق
بصراحه بدون مبالغة ا ذا سويتها يشطب على الصينيه تماما جربوها :cook:
كان ودي احط صور بس للاسف ما اعرف كيف احط الصور
ادري طولت عليكم بس من جد بنات اتمنى تشاركون في موضوعي
سلامي لكم :39:
123هيه @123hyh
محررة برونزية
يلزم عليك تسجيل الدخول أولًا لكتابة تعليق.
ام فرج
•
موضوع حلو ,,,,,,,,,ودي اشارك بس والله فيني نوم ان شاءالله اتذكر باتسرواعود لكم تشاو
حلو موضوعك
انا بقولك وش انا مبدعه فيه __-- __
وش اسوي ماعمر احد مدحني قلت امدح نفسي
المهم انا مبدعه في الرز وخاصه البرياني
وهذا كان عند زوجي عشاء رجال
انا بقولك وش انا مبدعه فيه __-- __
وش اسوي ماعمر احد مدحني قلت امدح نفسي
المهم انا مبدعه في الرز وخاصه البرياني
وهذا كان عند زوجي عشاء رجال
الصفحة الأخيرة