والسلطة سوي فتوش أو سلطة الباذنجان لذيذة وغريبه
طريقتها
تجيبين البايركس وتفرشينه طبقه خس مفروم وفوقه ذرة وبعدها
باذنجان مقطع مكعبات صغيرة ومغليه بالزيت وترشين عليها شوي فلفل اسود وملح
تخلطين علبة روب وم3 ملاعق لبنه و3ملاعق مايونيز
وتصبينهم على الباذنجان وترشين سماق وخبز محمص
والحلى

لاتحتاسين سوي السينبون سريع ولذيذ
طريقته
سويس رول الجاهز أو صمون أذا كان صمون قطعيه دوائر
صفيه بصينيه ورشي عليه دارسين
اخلطي علبة نستله ونص علبة قشطه و8حبات كيري
وصبيه على السويس رول رشي طبقة من القرفه وعين الجمل مجروش
اتركيه ربع ساعه قبل تدخلينه الفرن
ادخليه الفرن بس عشان يتماسك شوي
والله يساعدج ويساعدني وياج اليوم اطبخ غدا الحجاج
ل40 شخص
والله يساعد الجميع ويفرج عليهم

19-12-1429 هـ, 08:45 صباحاً
 
ياحياتي الله يكون معااااك
حاسة فيك
طيب ممكن تجيبين احد يساعدك(جارتك او امك او اختك )وتتسهل اذا تعاونتو
19-12-1429 هـ, 09:05 صباحاً
 
الله يكون في عونك
صراحة البنات ما قصرو بس شكلك انتي ما عندك احتكاك في المطبخ وهاذا السبب الي زاعجك

شوفي عندي اقتراح شوفي من في البنات عجبتك طريقتها وتواصلي معها على الخاص
ولو ممكن تكلميها منسجر او سكايبي يكون احسن كدا راح تشرح لك احسن

شوفي انا مو خليجية بس ساكنة بالخليج يعني تعلمت اغلب وصفاتكم
لو حبيتي تكلميني ماعندي مانع كلميني على خاص وانا اساعدك

ولو اني افضل احد من اخوات خليجيات تساعدك طبعا اعطي العيش لخبازه اكيد هم اكثر خبرة مني في وصفاتكم

بس لو ما حصلتي انا موجودة وتحت امرك


لانو يا الغالية ولو ايش نكتبو لك ماراح توصلك الفكرة


والله يعينك
19-12-1429 هـ, 09:57 صباحاً
 
طميني عليك ياالغلا

***** الله البنااات فاادوك...
20-12-1429 هـ, 12:56 صباحاً
 
طمنينا وش صااار معاك>>الاخت شايله همكـــ
20-12-1429 هـ, 02:33 صباحاً
 


الساعة الآن 02:51 .