السلام عليكم ورحمة الله وبركاته


يالله بنات انا ناويه اسوي بازار في جنوب الرياض وبالتحديد في الحزم او الشفا او السويدي

بس الي في بالي الان الحزم لان فيه قاعات مره حلوه وفخمه بس غاليه

لكن انا بشوف كم وحده تبي تشارك بالبازار وتكون صادقه في استعدادها للمشاركه
وراح يكون يوم واحد فقط كبدايه لحد ما نتعرف على بعض وكل وحده تقول رايها واقتراحها فيه

وبعد كذا نطول المده شوي شوي بصراحه انا خاطرت وقلت لازم ابدأ وانفع نفسي وانفع غيري
وان شاء الله ان فيكم الخير والبركه والله اني مافكرت في البازار بشكل جدي الى يوم شفت هالتجمع
وبصراحه لفيت ودورت ابي مكان فخم ومناسب ويكون سعره رخيص عشان يصير اجار الطاوله ب 100 بس للاسف
مالقيت الى اجارات غاليه مرررررررررره

لكن قلت يالله القناعه كنز لا يفنى راح اساعدكم بس من غير مااضر نفسي ولا اضر الي شاركو معي في هالمشروع
وراح يكون اجار الطاوله بسعر معقول يعني في اليوم راح يكون ب 250 ريال فقط

وش رايكم ان شاء الله السعر مناسب لكم
الي مناسبها السعر وجاااااااده

ترسلي اسمها ورقمها ونوع بضاعتها

عشاني ابي البازار يكون منظم ومرتب ومنسق
واقدر ارتب الطاولات على حسب البضاعه
كل صنف في جهه
وجميع البضائع مسموح بها بشرط ان تكون حلال
لاننا كلنا ندور الرزق الحلال
انتظر تفاعلكم

بالنسبه لدعايه لاتوصون حريص
سمعتي اهم من البازار
راح يكون فيه باذن الله
بروشورات - الاعلان في جريده الرياض قبل البازار بيومين -
وعلى فكره راح يكون في البازار مسابقات وجوائز
وراح يتواجد باذن الله شخصيات كرتونيه
المسابقات 3 انواع
الاول : بين التاجرات راح يكون هناك تصويت لافضل طريقة عرض وترتيب للبضاعه طبعا التصويت راح يكون من قبل الزائرات
والي راح تحصل على اعلى تصويت راح تكون جائزتها تشارك في البازار القادم بنصف قيمة الاجار .
الثاني: للنساء والفتيات .
الثالث : مسابقات حركيه للاطفال .


بصراحه البازار الي في بالي ويارب تساعدوني فيه
انو يكون اركان

مثلا
ركن المبيعات
ملابس - احذيه - اكسسورات - مكياج - مضيئات
خلطات - وغيره

ركن الاكلات والمشروبات
طبعا الاكلات الي تسوونها وتبدعون فيها
والمشروبات مثل العصائر والكابتشينو - والقهوه - والشاي - والايسكريم - الخ

وركن الجلسات
راح تكون طاولات وكراسي عشان يجلسون فيها الزائرات
وياخذون راحتهم في الاكل والشرب والسوالف خخخ اهم شي

وش رايكم

وحياكم الله

معليش طولت عليكم
بس حبيت اوضح لكم الفكره
عشان نتساعد ونحطم الاسعار المرتفعه

والله يوفقني واياكم

رجاء المراسله للجادات فقط
والله لايبيح اي وحده تراسلني وهي
مو جاده في مشاركتها لانها راح تضرني

وتضر البنات الي وثقوا فيني وساعدوني
ماديا عشان اقيم هالبازار



معليش نسيت اوضح لكم اكثر البازار في مدينة الرياض
ان شاء الله




الله يوفق الجميع
استغفر الله العظيم
الله يوفق الجميع
معقوله يابنات

وينكم مش العشم

حطمتوني صراحه

وانا متحمسه جالسه الف والدور والرتب الوضع وهذي اخرتها معكم

ولا وحده قالت حنا معك


الله يصلحكم ويهديكم بس
من فضلك عاوزة اسال هو ينفع للغير سعوديات تاجير الطاولات ؟
وشكرا جزيلا لك


الساعة الآن 08:06 .