السلام عليكم جميعا

حبيت أعرف أنواع الرز المستخدمة لكل منكم وميزاتها .. يعني آنا كنت أستخدم رز بسمتي تلدا أعتقد الكل يعرفه .... بس الفترة الاخيرة لاحظته ماأدري فيه تغيير شوي .. وبعدين إتضح إن في منه أصلي ومنه تقليد بنفس الشكل ... ونفس الخيشة ... عاد قلت ماتسوى مرة يطلعلي زين ومرة موزين ... ذاك اليوم رحت الجمعية وشفت الناس ياخذون وايد رز أبو كاس ... قمت وخذيته بصراحة روعة ونثري ويهبل بس مشكلته كبيرة إن ريحته أستغفر الله لاتطاق ... يعني ريحته ماأدري شلون صايرة ،، ياريت اللي لاحظ هالملاحظة يقولي ،،، وهمن تخبروني أنواع الرز المستخدمة بالنسبة لكم جميعا ... يلة لاتطنشوني وجزاكم الله خير
16-12-1424 هـ, 08:17 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا وغلا برقيقة.. موضوعج حلو..

بالنسبة لبيتي.. نستخدم أرز بسمتي التعاون.. ومرات بستان.. حبة طويلة.. وبعد نوع ماعرف أسمه بس هو بسمتي أظن أبوسيف أو شي من هالقبيل..

بصراحة كلهم حلوين.. وماشفت عليهم أي شي.. من ناحية الريحة أو التلزق بالطبخ..

و****لله الخوات بعد يفيدونج.. مع اني أقرا دايما يمدحون أبوكاس لاكن ماجربته..

ننتظر مشاركة باقي الخوات..
16-12-1424 هـ, 08:39 صباحاً
 
بسم الله

اختى انا استخدم رز الوليمه ....... رااااااائع وماله ريحه ونثري بالطبخ

من ناحيه رز تلدا .. مضر جدا جدا . مضاف له محسنات كثيرة مضرة بالصحه ...... ما تشوفين لونه وشلون ابيض وفيه لمعه مهب طبيعيه .
16-12-1424 هـ, 10:23 صباحاً
 
هلا وغلا
بالنسبة لي انا استخدم 3انواع من الرز
ابو كاس لايعلى عليه واستخدمه في كل طبخاتي وبصراحة ماينهرس بسرعة
وتقدري تنقعيه مع ملح وخل حتى تروح الريحة اللي فيه ويطلع لك بالطبخ
رووووووووعة

استخدم رز عنبر اذا حبيت رز ابيض سادة ورز بسمتي بنجابي للبرياني

استخدم رز ابو سيوف (مزة ) للسليق والمعدوس والرز بالخضار
16-12-1424 هـ, 11:16 صباحاً
 
انا استخدم المهيدب مزه وحاولي يكون منتج اقل شي من ثلاث سنين

حلو مره ومافي ريحه لانه ابيض ولو بقيتي الاصفر العبر يعني بعد المهيدب روعه

16-12-1424 هـ, 02:09 مساءً
 


الساعة الآن 12:45 .