بنات مشكورة على الافادة والحين برد على كل وحدة فيكم

المسافرة : هلا وغلا ، عاد تصدقين كنت متوقعة إنج تستخدمين ابو كاس بس إظاهر كنت غلطانة ،، التعاون اللي تتكلمين عنه أعتقد كويتي ،، لأن عندنا منتجات من التعاون في قسم الالبان في الكويت .. بس جربي أبو كاس تراه يهبل شكله نثري وحبته بعد طويلة .... وتدرين علشان تزيد معاج في الطول آنا سمعت منال العالم تقول نقعوا العيش مع ملح ويصير لج فظيع .. لأني جربت وصح كلامه تصير الحبة طويلة وفظيع شكلها بس لولا الريحة هذي اللي ماأدري من وين جت.

الشعلة : يزاج الله خير على إنج نبهتيني على رز تلدا والله ماأدري أول مرة أسمع إنه ضار ،،،،

عزيزة : ألف شكر على المرور يالغالية ،،، زين إنج تستخدمين رز أبو كاس علشان أشوف شنو هالريحة اللي أشمها بالطبخ .. ذاك اليوم سويت كبسة وشميت ريحة غريبة في العيش بس لما تشمين يعني لما تاكلين ماتحسين بالريحه عاد قلت يمكن من البهارات اللي بالعيش ،،، وبعدها بكم يوم سويت رز أبيض من غير بهارات ولا شي ،، ولا أشم نفس الريحة فعرفت إنه من الرز نفسه ،،، عاد تصدقين توني شاريته يعني ماصارلي 10 أيام وأول تجربة لي معاه كانت مع الكبسة ،، وبصراحة حبته طويله وشكله نثري يهبل بس لولا الريحة ... ماعليج أمر ياعزيزة لو طبخت أي طبخة عيش بهذا الرز شميه عن قرب وقوليلي فيه ريحه ولا لأ .. لأن من بعيد ماتبين !!!

آنا مسلمة وكل فخر : شكرا على مرورج يالغالية ،،، والمهيديب وايد يمدحونه وخصوصا منال العالم لها موقع وياهم *****الله بجربه ... بعد مايخلص هذا

هناء الكويتية : تدرين أبو غزالين هذا كانوا خواتي قبل يستخدمونه بس يقولون مقارب لعيش التموين ،، وحلو ونثري بس اللي فوق تراهم أفضل مثل المهيديب وأبو كاس وغيره

أم فهودي : ياريت تشمين الرز عن قرب وتقوليلي فيه ولا لألأ ،،، أمبيه إظاهر آنا بجننكم كلكم ولو شافج أبو العيال بيقول شفيها أم فهودي اليوم !!!!!!!!!!!!!!!!

ألوفة : أحب إسمج وايد علشانه نفس إسم بنت إختي ... المهم تدرين هالمعلومة مالت الملح صحيحة لأني سمعتها من منال العالم بنفسي بس ماقالت ليمون قالت بس ملح !!

سواريه : الصفوة ماأدري موجود عندنا أو لألأ .. بس بدوره وأشوف ولو أشتري خيشة صغيرة للتجربة .. مشكورة حبوبة

بنت السراه : تصدقين حتى آنا مستغربة من الريحه .. اليوم بروح أقرأ تاريخ الإنتاج والانتهاء ؟؟ لأن ريحته غريبة يعني نفس ريحة الفحم أو ريحه زنخة شوي مع ريحه لمن تحطين فحمة فيها زيت داخل الجدر مو تطلع ريحه شوي بس كلش موحلوة ؟؟؟ شميه وخبريني
بسم الله

اختى رز ابو كاس له ريحه وقويه بعد ...... ولكن انا اشوف الوالده الله يطول بعمرها ..... تفورة شوي طبعا بماء مغلي وتخليه شوي على النار مده دقيقتين بس .. وتكب الماء وتشطفه بماء عادي وتكبس الكبسه او المشخول .او اي شي بطبخينه ...حتى الرز الابيض تسوي فيه كذا ... وتروح الريحه كلها مع ماء السق الي كبته
السلام عليكم و رحمة الله و بركاته...

هلالالا حبيبتي رقيقة :24: :24:

بالنسبة للرز انا استخدم بسمتي ممتاز و فيه نوع ثاني بس ماعرف اسمه اشوفلك و ارد لك خبر و كلهم ممتازين في الطبخ و ما شا الله الاخوات ما قصروا

يعطيك العاافية يا غالية
الشعلة : يعني زين وافقتيني الرأي في الريحة القوية اللي فيه ... بصراحة الله يعين الوالدة كل ماتبي تطبخ تقعد تغلي وتشيل الريحة بصراحة ماتسوى علينا نشتريه .. شكلي بهوّن عنه إذا فيه ريحه عاد حسافة يهبل في الشكل والحبة الطويل ...

أم دانة : ياعمري إنت شلونج وشخبارج يالغالية ؟؟
مشكورة على المرور ولو إني كنت مومتوقعة علشان اللي قلتيلي عنه !! بس والله إنج عسل وتستاهلين كل خير
شكرا على الاضافة وفي ميزان أعمالج *****الله
رقيقة يا عمري شوفي الخاص :24:


الساعة الآن 06:21 .