Analysis Services
السلام عليكم ورحمة الله وبركاته


لاحظت فى اكثر من موضوع عن الخبزه الجنوبيه انو يخمرونها فقط ساعتين او اقل وهى فى الحقيقه
الخبزه الاصليه الصح اكثر من ساعتين توصل الى 5 ساعات فاكثر قلت احط طريقتى للخبزه وان شاء الله تعجبكم

الـمـقاديــر
طاسه دقيق بر
طاسه دقيق ابيض
مويه
ملح
خميره فوريه
خميرة بيت (( القليل من العجينه الاولى فى طاسة صغيره)) اذا لم يوجد لا مشكله بس لازم تبقين من العجينه اللى تسوينها مستقبلا
<<<< احلى يا مستقبلا خخخخخخخخخ

الطريقه
احط فى المعجنه وهو وعاء كبير ومعه غطاء قليلا من المويه وبعدين الملح واذوب الملح وبعدين الخميره الفوريه والبيت واذوبهم كمان وبعدين احط الدقيق البر والا بيض واذا ما تبغين الابيض حطى بر فقط والعكس تمام ما فى مشكله واجلس اعجنها واذا طلعت قاسيه كثير احط مويه كمان وان تعطينى عجينه قاسيه شوى مو كثير واغطيها بالغطاء واتركها ساعتين وارجع اعجنها مره ثانيه واتركها ساعه كمان وارجع اعجنها مره ثانيه كمان واتركها كمان ساعه واعجنها واحطها فى الصينيه واغطي عليها كمان من فوق بصينيه ثانيه واتركها ساعه ونصف بعض الاحيان تاخذ ساعه اذا شفتها تحمرت اطفى عليها واخرجها
تناكل مع اى شي لو نواشف حتى

ملاحظه
اذا تبغينها للعشاء سويها من العصر الساعه 3 ونص وحطيها فى الفرن الساعه 8
اذا بغيتها فطور اعجنيها قبل ما تنامين والفجر اعجنيها مره ثانيه والساعه 8 حطيها فى الفرن

والحين احنا وقت شتاء خلى المويه دافيه ولو تميل لسخونه شوى افضل وحطيها فى مكان دافى علشان تتخمر زين

وهذى صور لها



لاحظوا قشرتها قاسيه اما داخلها طريه تقولون فطاير خخخخخخخخخخ



وبالعافيه على قلوبـــكم

ان شاء الله تعجبكم جربوها والله لذيذه

اختكم
ام وليد
22-12-1429 هـ, 06:14 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يسلم يدينك ياام وليد ويعطيك العافيه امووت فيها دايم اذوقها عند جارتي الجنوبيات الله يسعدهن
22-12-1429 هـ, 06:44 صباحاً
 
ما شاء الله شكلها رووووووووووعه

تسلم الايادي
22-12-1429 هـ, 06:47 صباحاً
 
الله يسعدك قلبك يام وليد قعت اضحك
على كلمة الاصلية لية الخبز الثاني تقليد ((تايوان ))
واذا جينا عند الاصلي صح ...تري مافية خميرة فورية بس بقصه
الي هي عجينة من المرة الاولى زي منتي عارفه
وان زيك اسوي الخبزة الاصلية
يعطيك العافية
22-12-1429 هـ, 06:55 صباحاً
 
يميييي شكلها يشهي ما شاء الله
22-12-1429 هـ, 06:57 صباحاً
 


الساعة الآن 09:47 .