اقتباس مشاركة  (أم عبد المنعم)
حبيبتي هذه تتبيلة للسمك رااااائعة و ممكن تحطيها بالثلاجة و تحفظ حتي 6 أشهر أنا دايما أسويها و اخليها بالثلاجة لعمل السمك

2 رأس ثوم + ا كوب خل + 5 ليمون بالقشر + 2 ملعقة كبيرة كمون + 1 ملعقة كبيرة كزبرة ناشفة + 2 ملعقة كبيرة ملح

كلها بالخلاط و ضعيها في علبة ثلاجة نظيفة و مجففة و حطيها بالثلاجة لتستخدميها في تتبيل السمك و الربيان

احطها في الثلاجه فوق والا تحت واقسمها في علب والا كيف ؟
واذا تبلته اخليه كم من الوقت علشان يطلع تمام وابي طريقة الشوي الممتازه؟ للسمك والربيان
والف شكر لك
24-12-1429 هـ, 12:30 صباحاً
 
اقتباس مشاركة  (مجوووده)
احطها في الثلاجه فوق والا تحت واقسمها في علب والا كيف ؟
واذا تبلته اخليه كم من الوقت علشان يطلع تمام وابي طريقة الشوي الممتازه؟ للسمك والربيان
والف شكر لك
التتبيلة دي عادي حطيها في الثلاجة من تحت و خدي منها وقت الحاجة و رجعيها الثلاجة مرة تانية.

أغسلي السمك كويس و أنقعيه في ماء بخل و ملح لمدة 1/2 ساعة
ثم صفيه من الماء و ضعي التتبيلة عليه من جميع الجهات و سيبيه علي الأقل ساعة حتي يتشرب التتبيلة

واذا كنت هتشويه في كذا طريقة منها
1- أغسلي السمك من التتبيلة و ضعي عليه ردة ( نخالة) من الجهتين كويس و سخني صاج علي النار
و ضعي السمك و تسيبيه لحد ما يتشوي كويس ( تسود طبقة الردة) و بعدين تقلبيه علي الجهة التانية
و ممكن تستخدمي الشواية الكهربائية.

2 - السمك المشوي بالفرن:-
قطعي (بصلة + فلفل أخضر بارد أو حار حسب الرغبة + طماطم ) كله شرايح و ملح و كمون تبيليهم
و غلفي الصينية بالالومنيوم و حطي 1/3 كمية الخلطة دي وزعيها بالصينية و ضعي ال 1/3 الآخر داخل السمك
و ضعي السمك في الصينية فوق خلطة البصل و ضعي ال 1/3 الباقي فوق السمك و رشيه بزيت الزيتون و دخليه الفرن حتي ينضج .

3- مشوي سنغاري(سنجاري)
اعملي خلطة (1 ملعقة مسطردة + 1/2 ملعقة صغيرة صلصة طماطم + رشة من كل من ملح و كمون و بابريكا و ليمون أسود مطحون و ممكن جنزبيل بودرة + ملعقة كبيرة زيت زيتون )
قلبيهم كويس و ادهني السمك من جميع الجهات بالخلطة دي و سيبيه 1/2 ساعة و حطيه بالفرن حتي ينضج
و لازم يكون الفرن متسخن قبل ما تستخدميه

ده اللي أعرفه عن طرق السمك المشوي
24-12-1429 هـ, 11:01 صباحاً
 


الساعة الآن 03:26 .