Analysis Services
الأخت لا للحزن

أتمنى اني أفيدك بموضوع اللحمة .. والوالدة الله يخليها تسويها لنا وتطلع ماشالله لينة جدا ولذيذة .. والطريقة مما في أسهل منها ... بس يبي لها شوية صبر..

خذي قطع اللحمة اللي عندك .. صغيرة أوكبيرة ما يهم .. بهريها كويس .. ملح - فلفل أسود مطحون - ليمون أسود مطحون .. واذا حبيتي ممكن تضيفين فلفل حار مدقوق مع ثوم..

طيب.. ادعكي قطع اللحم بهالخليط وحطيها في وسط قطع قصدير كبيرة .. وسكري عليها كويس.. خليها زي الكيس .. بس مسكر

جيبي قدر ... حطي فيه ماي .. ربع القدر تقريبا.. وحطي الكيس اللي عملتيه في الماي .. رفعيه على نار هااااااااااادئة وخليه تقريبا ساعتين أو 3 ساعات على حسب قطع اللحمة... بس حطي بالك لا ينشف الماي .. كل ما ينشف زيديه ..

وكشفي على اللحمة بعد ساعتين عشان تشوفينها خلصت والا لا...

جربيها واذا نجحت .. ادعي للوالدة بطول العمر ..
18-05-1425 هـ, 10:29 صباحاً
 
حبيبتي لا للحزن الصراحه انا ماكنت احب اللحم لما تزوجت ابتلشت بزوجي يموت في اللحم وما يحب الدجاج وصارت لي نفس مشكلتك وكان في البدايه هو اللي يطبخها ويعلمني لحد ماضبطت معاي واللي تعلمته منه ان الملح يقسي اللحم وما يخليه يستوي فما اضيف الا البهارات العدله لان البودر تسود اللحم اما الملح اخر شي لما تستوي احط الملح واخليه يطبخ شوي وبعدين اسوي فيه اللي ابي وطبخه بصراحه يبي له تطنيييييييش يعني شبي عليه وانسيه والوقت على حسب الكميه والحجم يعني اذا لحمك مقطع كبير اقل شئ خليه ساعتين بس حاولي تشوفين الماي كل شوي لاينشف ويحترق وبرضه لا زم تغطين القدر لاتخليه مكشوف وفيه طريقه تعلمتها من زوجي لما نكون في المزرعه دايم يسويها وهي لما يغطي القدر (ويكون الغطاء زين يعني مو متعفط ويطلع البخار) يجيب بريق الماي ويكون مليان ويحطه فوق الغطا يعني يكتمه ويخليه يطبخ بس يشيك على المويه
وكمان الضغط حلو ومعك حق تخافين والله كنت مثلك اموت من الخوف اذا سمعت صوته بس زوجي يحبه مره ويقول الاكل فيه اطعم وجلسنا شهور مانطبخ الا فيه بس ولامره شبيت عليه الا وهو موجود وهو المسؤل عنه لان الكاتم سريع يعني الكبسه ماتاخذ الا ربع ساعه بس وتستوي اللحمه تمام والان تعودت عليه مريح مره خصوصا اذا كنتي تعبانه لاقدر الله او حامل ووحامك شديد واذ حبيتي تشترين لاتفكرين الا في سب لانه افضل شئ من ناحيه الامان

وحبيت اضم صوتي للاخت الحب للحب عن فنجال القهوه لاني سمعت نفس الشئ من صديقات اختي في الدوام بس ماجربته لاني ولا مره طبخت كميات كبيره من اللحم وهم يقولون يصلح للكميات الكبيره زي ماقلتي لحمه العيد لانه يوفر عليهم الوقت
18-05-1425 هـ, 11:19 صباحاً
 
شوفي حبيبتي
اذا كان دجاج تخليه ساعه
اما اذا كان لحم غنم لا يقل عن ثلاث ساعات
واللي يتحكم في سرعة نضجها العمر اذا كانت كبيره تاخذ وقت
على ماتستوي وكل ماكانت صغيره وطازجه كل ما استوت اسرع
وفيه تلقين بالسوبرماركت زي الملح اسمه مطري لحوم انا استخدمه
مع المشوي وهوينفع مع اي لحم بس تراه مالح انتبهي لكمية الملح معاه
18-05-1425 هـ, 12:26 مساءً
 
حبيبتي

كلنا مثلج


اللحم عندي اقل شي 4 ساعات على النار ليمن يستوي

لما كنت اشتغل كنا نتغدى بعد المغرب!!

بعدين جبت الضغط كلها نص ساعه ويذوووووووب واذا تتبعين التعليمات لا تخافين تدرين انه الضغط يحافظ على المكونات الغذائيه اللي بالاكل اكثر من الطبخ العادي يعني الفيتامينات والمعادن وكل شي يضل تقريبا مثل ما هو بالاكل المو مطبوخ


وواااااايد بترتاحي


19-05-1425 هـ, 10:42 صباحاً
 


الساعة الآن 04:14 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏