مرحبا اختي زز

انا بقولج ليش تكون مره لان محروقه وافضل انواع القهوه اللي بالتحميص الوسط مثل ما قالت الاخت جنوبية كول .. واذا اشتريتيها اطحنيها ناااعم وضيفي لها ملعقه صغيره زعفران مطحون وملعقه صغيره هيل مطحون واحتفظي فيها في علبه ..

راح اعلمج طريقتنا احنا اهل البحرين في تسوية القهوة ..

اول شي حطي ج مقدار ماي على سعة دلة القهوة العاديه اللي كلنا نستخدمه مقاس وااحد في ابريق

اضيفي له ملعقه كبيره من القهوه المطحونه (وشي ضروري تكون محمصه وسط علشان اللون والطعم ما يكون مر )

ونص ملعقه هيل مطحون

وخليه عالنار يغلي شوي
بعد ما يغلي اطفي النار وخليها ترتاااح اشوي لاتحركيها علشان حبات القهوة والهيل تنزل تحت الابريق ويبقى المااي فوق وتصير القهوه صافيه

وخلاص بعدين حطيه بالدلة طبعا مع وضع منخل واتركيها لمدة نص ساعه علشان تاخذ لون الزعفران

واشربيها بالعافية بعدين

طبعا قبل كل شي جهزي في دلة تقديم القهوه ملعقة ماي ورد مع زعفران








الساعة الآن 07:05 .