بنت أبــوها @bnt_aboha_82

كبيرة محررات

غرفة النوم حقتي فيها شي غريب؟؟!

السلام عليكم

شلونكم بنات..

لاتستغربون العنوان..

بصراحة انا كنت اقول الموضوع عادي لحد اليوم الفجر عرفت انه شي مو عادي..
والموضوع صار غريب شوي الله يستر....

انا متزوجة لي حوالي 7 شهور او اكثر شوي..
بس من تزوجنا صارت امور مختلفة بغرفة النوم..

بداية بمفرش السرير كان وش زينه وش ملحه ماعليه..
فجأه خرب وقررت اشتري جديد..
اشتريت جديد والجديد خرب تقولين له 10 سنوات عندنا وهو مالي غير كم يوم حاطته لكن قلب بسرعة عجيبه وشلته..!
من حسن الحظ جاء البرد وتركت المفارش وحطيت بطانيات الحمدلله امورها ماشيه..
لحد الان الموضوع عادي...

مرة من المرات ارتب الدولاب فجأه الرف طاح..
ويوم ثاني طاح الرف الثاني..
اوكي صلحناهم...!!

اول حملي جيت لاهلي لاني تعبانة بس كلمت زوجي مرة قال لي السرير انكسرت الخشبة حقته الي تحت هههه
قلت شكل وزنك زاد بعدي واخذناها مزح وعااادي جبنا عامل وصلحها..

المكيف خرب وبدلناه..
اللمبة احترقت للحين ماصلحناها!!

بس امس الفجر وانا نايمة شفت شي ازرق بالجدار تعوذت من ابليس قلت مافيه شي واتوهم..!
واليوم الفجر كلمت زوجي لاني نايمة عند اهلي قال لي ربك ستر بغينا نحترق فيش المكيف والابجورة بغت تحتررررررررررررررق :06:

الصراحة بديت اخاف يمكن تسليك الكهرباء مو مضبوط
يمكن الغرفة صناعتها رديئة والمفارش يمكن بعد مو اصليه مع اننا ماخذنا شي اي كلام بلعكسسسسسسسسسس..!

وش رايكم اوسوس والا تعتقدون صدفة؟؟<<ههه زين اشاوركم قبل اوسوس يعني الحين مابعد بديت اوسوس..
الصدق من عقب الفجر ماقدرت انام بس افكر الله يستر...

يلزم عليك تسجيل الدخول أولًا لكتابة تعليق.

تسجيل دخول

حلوومه وبس • 15 سنة

ياعمري خلي سورة البقره شغاله على طول في الغرفه وان شاء الله خير

بنت أبــوها • 15 سنة

عادي اشغلها بالجوال او اللاب توب او مسجل
او لازم اقراها
لاني مرات انسدح بالغرفة واشغل سورة البقرة لي وللبيبي لانه يقولون بدا يسمع ويتعود على الاصوات ودي يتعود على القران واشغل له سورة البقرة بس مااكملها اذا جاء زوجي قفلتها وطلعت..

بحاول ان شاء الله اشغلها كلها الله يستر يارب..

والله عجزت وانا اقول لزوجي عن الصدقة بس مدري للحين مو معارض اني اتصدق بس ماحسه من نفسه يتصدق..
يعني الصدقة تدفع البلا ان شاء الله...............

ربي يجزاك خير اختي

الدانهـ • 15 سنة

شغلي القرآن دايم في الغرفه وخذي رشاش المويه وحطي فيه مويه وملح خشن وبخيها في اركان الغرفه ومن جهة الدولاب ومن ورى باب الغرفه...

وان شاء الله مافيه الا العافيه...

بنت أبــوها • 15 سنة

مشكورة عزيزتي الدانه
بس وش فايدة الموية والملح..؟

ان شاء الله اذا رحت لبيتي اسويها باذن الله ماقصرتي..

صليت بوقتها • 15 سنة

الدانهـ :

شغلي القرآن دايم في الغرفه وخذي رشاش المويه وحطي فيه مويه وملح خشن وبخيها في اركان الغرفه ومن جهة الدولاب ومن ورى باب الغرفه... وان شاء الله مافيه الا العافيه...

شغلي القرآن دايم في الغرفه وخذي رشاش المويه وحطي فيه مويه وملح خشن وبخيها في اركان الغرفه ومن جهة...

انا يبنت ابوها مرررررررررررره خوااااااااافه :(ولما قريت الموضوع خفت اكثررررررررر :oوالحين لو انكسر دولاب أو انحرقت لمبه ببدأ اوسوس هههههههههه

الله يكون بعونك لاتخافين لأن كل شي بيد الله والله يسهل عليك الحمل والولاده وتجيبين نونو يونسك:baby2: