Analysis Services
  • «
  • 1
  • 2
  • >
  • »
حبيباتي الغاليات .. قبل كم شهر ..كان في موضوع بقسم المقبلات أو المعجنات او السندويتشات .. عن صينية منوعة لتقديم الشطائر و المعجنات الصغيرة .. و بحشوات مختلفة .. مين ممكن تدلني عليها .. و اكون شاااااااكرة لها و ادعيلها باللي تتمناه
17-12-1424 هـ, 04:54 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم ورحمة الله وبركاته

ممكن تقصدين هذه اختي ...هذه الصينية لاحدى الاخوات(لا اتذكرها بصراحة )طبعتها قبل مدة في الوورد عندي

صينية مقبلات .. من تقديمي
بصراحه احترت وين انزل الموضوع .. بالمقبلات والا السندويشات
بس لقيت انه يصلح مقبلات قبل الاكل مع الشاي والفطاير
هذي الصينيه سويتها في احد المناسبات وعجبتهم وقررت اقدمها لكم

(الصنف الاول)

المقادير:

- توست ابيض او اسمر ( ماجربت الاسمر بس الابيض احلى )

مقادير الحشوه:

- بطاط مبشور ني
- جزر مبشور ني
- شرايح رفيعه فلفل اخضر
-شرايح رفيعه بصل ( هلالات )
- ثوم شويه
- فلفل اسود
- حبة ماجي
- زيت زيتون
- شوية بهارات
- بقدونس + شبنت

للزينه:

- مايونيز
- بقدونس مفروم ناعم

الطريقه:

نسوي حميسه بالخضره بالطريقه المعتاده
بصل بالزيت وبعدين ثوم وماجي وفلفل اخضر ونحركه شوي بس لايحترق
وبعدين نضيف البطاط والجزر والماجي والفلفل الاسود والبهارات ونحركه ونضيف شوية ماي عشان البطاط ونحرك واذا نشف والبطاط للحين ماخلص نضيف شوية ماي بعد
واخر شي نضيف البقدونس والشبنت ونحركه دقيقتين

ونخليه على صوب

نفرد التوست بعد تقطيع اطرافه
ونحشي كل توسته بمقدار من الحشوة ونلفها مثل الرول
ونكون حاطين بصحن مايونيز ( احلى شي كرافت ) وبصحن ثاني بقدونس مقطع وناشف بدون ماي
نمسك كل قطعه رول ونغمس كل طرف بشوية مايونيز وبعدين شويه بقدونس من الجهتين ونصفه في صينيه تقديم ونلفه بنايلون عشان مايصير يابس

بس طعمه لذييييييييييييييذ خصوصا مع الشاي

جربوه وادعولي
سهل ولذيذ وينقذج اذا ماعندج فطاير


( الصنف الثاني )

هذا الصنف بسيط
طبعا الهدف من صينيه المقبلات هذي انها تضم اصناف سهله وخفيفه وماتتعبج

المقادير

- خبز صاج جاهز او اللي متعود يسوي يسوي براحته
- جبن حلوم مقطع شرايح رفيعه شوي
- طماط شرايح بدون اللب الداخلي ( عشان مايطلع عصير طماط )
- زعتر ( اللي فيه سمسم مو الخضره )
- زيتون مقطع بدون لب
- شوية نعناع مفروم

هذي تقريبا مثل الشاميات

ناخذ الخبزه ونلفها وتصير نص دائره وبعدين نلفها وتصير ربع دائره وبعدين نقطع اطرافها عشان تصير مستطيله
نحشي الخبزه بكل المقادير الباقيه بشكل مرتب ومانكثر حشوه واخر شي نحط شوية نعناع فوق الحشوه وبعدين نلفه عدل مثل الرول ونقطعه رولات صغيره
طبعا تقدرين تقدمينها جذي بس بتنفك عليج وبتفشلج
انا حطيتها في شواية وسكرت عليها شوي لحد ماتحمرت شوي وصكت او بالفرن تتحمر من فوق
بس صدقيني الشواية احسن عشان تصك
فيه ناس فاضيه تييب جزرة طويله وتقطع خيوط رفيعه وتلف على كل قطعه مثل الشريطه

بعدين صفيها بالصينيه عند التوست ورشي على كل وحده شوية زعتر للمنظر او ممكن تخلينها جذي

طبعا ممكن تسوين اي عدد من الخبز وممكن تحشين الصاج بأي حشوه مثل فلافل ولبنه(ترشين على الوجه شوي سمسم ) او بطاط وزهره وباذنجان عقب ماتنشفينه عدل من الدهن او دجاج مسحب مع مايونيز مع خيار مخلل وليمون ( وترشين على الوجه شوية سماق) او نقانق وجبن سلايسز او مرتديلا تصفينها بشكل طولي على الخبزه وفوقها جبن سلايسز وقطع خيار طوليه رفيعه عشان اذا قصيناها تعطي شكل حلو
بس انا عطيتكم اسهل حشوه
وبصراحه انا ماقريت هالصنف لانه سهل والواحد ممكن يبتكر خصوصا ان اكثر المطاعم تقدم شاميات الحلوم بس البيت احلى وانظف


اذا كان هذا المقصود فدعواتك لي وللاخت صاحبة الموضوع...... واذا ما كان هو فالمعذرة منك
18-12-1424 هـ, 07:24 صباحاً
 
بعد ان اضفت الرد السابق بحثت عن الرابط ووجدته

ربما هذا ما تريدين صينية مقبلات ..من تقديمي

للاخت لا تنسو اسرانا...
18-12-1424 هـ, 07:33 صباحاً
 
عاد توني كنت بعطيج رابط الاخت لاتنسوأسرانا .. وترى روحي قسم السندويتشات هم راح تلاقين بعض السندويتشات للتقديم للأخت Hawda وتلاقينه بنفس الصفحة يعني ماراح تتعبين في البحث ...
18-12-1424 هـ, 08:30 صباحاً
 
هوووووووووووووووو يا جماعة ...

تسلموووووووووووووون يا حبايب قلبيييييييييييييييييييييي والله مو عارفة كيف اشكركم ...

يارب تسعد اللي ردوا علي و تمنحهم الصحة و العافية هم و عيالهم و ازواجهم ,.. و تخلي ازواجهم ما يشوفون غيرهم :24: ( احسن دعوة للحريم )

و يارب يرزقكم الجنة .. و كللللللللللل اللي خاطركم فيه
18-12-1424 هـ, 09:52 صباحاً
 


الساعة الآن 02:09 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏