مرحبا صبايا
شلوووووووووووووونكم
لكم وحشه

حبيباتي انا من فتره بشرتي صار فيها حبوب بعدين استخدمت كريم رتن A كل يوم بالليل
النتيجه كانت جدا روعه الوجه يتقشر والحبوب اختفت شوي شوي بس للأسف فرحتي ما اكتملت طلعلتي مشكلتين
الاولى: انه وجهي احس بحروره كبيره . يحرقني ويعورني مع كثرة الاستخدام.
المشكله الثانيه: انه وجهي صار خشن من القشور ملمسه كأنه ملمس سجاده.

( ملاحظه مهمه انا وراي كليه يعني اقدر استخدم كريم اساس؟ )
ابي اعرف منكم الحلول
لا تبخلون على تكفون

شاكره لكم
تحياتي
فيوليت

انا استخدمت رتن وصار لي فترة من استخدمه يعني كلما ابي اقشر وجهي لازم استخدم رتن اي بين شهر وشهرين، المهم عن سؤالج فيه قشور ويهج وتحسين بحرارة طبعا ياعمري لازم تحسين بحرارة لان هو مقشر والكريم قاعد يزيل الطبقة العليا من الخلايا الميتة، ومتقشر لان القشور بعده لحد الحين مازالت بس اكيد راح تحسين ان ويهج فرق لما يزيل هالقشور بعد اسبوع او كم يوم اذا كنتي موقفة حاليا عن الإستخدام. ام انج لحد الحين قاعدة تستخدميه فلازم بتحسين او ويهج كم يوم يصير حلو وكم يوم يصير متقشر لييييييييييييش لانه قاعد يتقشر وتروح القشور ومرة ثانية ايضا يتقشر لما تحطين طبقة ثانية من الكريم. انتي تجددين التقشير كلما مرة اتمنى فهمتي شنو اقصد، الحين اذا حسيتي ويهج وايد يحرفج وفيه حرارة وقفي كم يوم زين وخليه يرتاج عشان مايلتهب وبالليل قبل لاتنامين حاولي تحطين عليج فازلين اصلي هااااا الأصلي وحاولي ماتخلينه ساعات وايد يعني بالكثير اربع ساعات او خمس ساعات او حتى طول الليل ليش عشان الفازلين يزيل القشور ويبرد ويهج من الحرارة والإلتهاب.

اما انج تستخدمين كريم اساس فأنصحك لاااااااااااااااء في الفترة الي تستخدمين رتن اي لا تحاولين تستخدمين كريم اساس لانج ويهج متقشر ويمكن يلتهب زود،،، بس ضروري تستخدمين كريم واقي شمس لان ويهج محتاجة اكثر من كريم الأساس ولازم يكون حماية 30 SPF او 50 عشان يكون جدار عن الشمس.

واتمنى ان البنات الباقين يفيدونج او اي استفسار انا حاضرة وسلامتج ياحبيبتي.
تسلميييييييييييييييييييييين هدوله حبيبتي

انا المشكله انه وراي دوام ولازم احط كريم اساس بس انا احط تحته واقي الشمس من ماركه طبيه
ينفع هالشي والا ما ينفع؟؟؟؟؟
ومشكوره مره ثانيه يالغاليه
تحياتي
فيوليت
الواقي الشمس مو مشكلة بس الكريم الأساس فيه اشوي اشكال لان يمكن يسبب لج حساسية او التهاب شنو نوعية الكريم الأساس هل هو طبي ؟؟؟


زين ليش ماتستخدمين واقي الشمس الي كأنه كريم الأساس وهو من ماركة كلينك وفيه غيره وهو عبارة عن واقي شمس بس كأنه كريم اساس او فيه نسبة من كريم الأساس وايد حلو بس مااذكر انا كنت سائلة عنه البنات بعنوان واقي شمس مثل كريم الأساس سوي بحث بيطلع ليج افضل من انج تحطين واقي شمس تحت وبعدين كريم اساس.
اختي و حبيبيتي فيوليت
نصيحة من أخت مجربة
انا استعملت الرتن اي لفترة
فعلاً رائع لكن يبغاله صبر
انا استغليت فترة العطلة حتى استخدمه
و كنت ما اخرج من البيت الا للضرورة
و الآن راحت الحبوب و بقيت بعض الاثار البسيطة
اما بالنسبة للخشونة فأنا تغلبت عليها و حصلت على نعومة رائعة
و ذلك بواسطة استخدام مقشر المشمش
اوقفي استخدام الرتن اي ليومين او ثلاث ثم استحمي و في اخر الحمام يكون الجلد الميت قد اصبح طري مع البخار و الماء . . . قشري بشرتك . . . و لما تطلعي من الحمام نظفيها بالتونيك و لا بأس بقليل من الثلج . . .
و الله يا اخت فيوليت انا عانيت من الحبوب
كان يطلعلي حبوب يومياً
و على طول وجهي متعبني
اما الان يمكن يطلعلي حبة في الشهر مش اكثر
و الاثار تخف تدريجياً مع التقشير
اهم شيء الصبر
و التقيد بتعليميات الدواء
و الاتكال على الله مع الأخذ بالاسباب
امسحي على وجهك و اقرأي المعوذات و ادعي الله تعالى ان يشفيكي ببركتها و استمري على العلاج
و اتمنى لكي التوفيق
اي اسئلة عن الرتن اي انا في الخدمة
و اتمنى لكي بشرة مثل ورد الربيع
:24:


الساعة الآن 09:28 .