والله احسه بدري بنتك توها صغيرة وولدتي المرة الاولى بعملية وزوجك مايبيك تحملين الحين طيب ليش مستعجلة؟الناس ماراح يحملون او يولدون او يربون عنك
ماعليك من احد واستمتعي بحياتك

انا انصحك ماتستعجلين لاني انا جبت ولدي قيصري وكانت المشكله عندي ان الطفل مانزل وقت الولاده منطقه الحوض وقالت الدكتوره اني المره الجايه راح اولد طبيعي وماصدقت ان ولدي كمل سنتين الى انا حامل وتعبت ووقت الولاده تعبت مره والدكتوره تحاول طبيعي مني قادره وصارت لي نفس المشكله وفي الاخير بعد ماتعبت واخذت حوالي 6ساعات وانا اتالم ومعي طلوق في الاخير سوتلي الدكتوره عمليه
صدقيني ندمت اشد الندم اني استعجلت على ولدي وجاتني حاله نفسيه واكتئاب بعد الولاده
مرت بي حاله مايعلم فيها الى الله مع ان الدكتوره قالت لي على الاقل اربع سنوات عشان الرحم يرتاح وماسمعت نصايح الدكتوره
وابشرك بعد ماكمل اربع سنوات حملت وكمان قيصريه بس اهون من اللي قبلها لانهم يولدوني قبل موعدي بفتره
صدقيني
انا مابي اخوفك بس لاتستعجلين ارتاحي على الاقل 3سنوات

اختى مادامك صغيرة وولادتك قيصرى اجلى الحمل كمان سنه وحلو انك تسوي مسافه بين الاطفال علشان صحتك
والله العيال تعب ومسؤوليه تشيب الراس وماعليك من لحد ومن اقارب او غيرة الزم عليك صحتك وراحتك فقط
والله يوفقك

رمز الموده اشكرك بالعكس ماخوفتيني الا طمنتي عشان ماحط فكره ان اولد طبيعي ماهو اذا صار عمليه انصدم
وقار الشيوخ جزيتي خيرا نبض قلبي وام الدلوووعه اشكركما ماقصرتو

انا برايي ان الموضوع بينك انت وزوجك واذا زوجك ما يبغاكي تحملي الحين اجلي الفكرة الين ما هو يتحمس على الحمل والله يكتبلك اللي فيه الخيير