موضوع جاء في وقته ........

انا في نفس مرحلتك .......... بس يالغلاا حبيت اقولك انه الطبقه البيضاء اللي فوق الرخام ماتروح الا بجهاز الجلي ........ والله يصير الرخام بعدها يلق لق ....

و انتبهي ........ بعض المنظفات تعدم الرخام و خلاطات الحمامات



و سجليني معك متابعه ...... لان ان شاءالله اسبوعين وابدا تنظيف


موفقه :)

للرفع ...

قرأت الردود على السريع ... انا طالعه اللحين بعدين اجي اقولكم ايش سويت ..

قمرا ..
بالبركه البيت الله يجعله منزل عامر بالخير والبركات ..
خليك متابعه اجل .. نتعاون ونشجع بعض ..

الله يبارك في عمرك .. ويهنيك في في بيتك :)
راح ارد على الاسئله باللي اعرف وسامحيني على القصور .............ز

كيف ابدأ ؟؟
حااااااااااولي تبدين من فوق لتحت ... بمعنى ابداءي من غرف الغسيل و الخادمات اللي في السطح و من ثم الدور الاول و في الاخير الدور الارضي والحوش
لانك لو بديتي من تحت راح يتوسخ من كثر الطلوع والنزول
ثاينيا .. حطي في بالك كل يوم هدف .. وقسمي الشغل في ايام .... بمعني اليوم حددتي تنظفي فقط ثلاث غرف . مو اذا خلصتيهم تنظفين شي ثاني لااااااااااااااااااا .. لان ماراح يكون التنظيف بدقه وراح تتعبين ..

ما هي المواد اللي احتاجها ؟؟
شوفي يااااااالغلاااااااا انا ماااااااراح استخدم لاااا فلاش ولااا كلوركيس .. لان بصراحه اخاف على البلاط والمواد الصحيه .. ممكن استخدمهم لما اسكن و اختبر تحمل الادوات
رغم انه صاحب محل الادوات الصحيه حذرني من الكلوريكس ..يقول يشيل البريق اللي على الخلاطات والشطافات مع العلم انه كلها قروهي...........
عاااااااااد امس انا شنيت حمله على محلات ادوات التنظيف
و اخذت ماااايلي : صابون تايد .. العملاق الاخضر .. ملمع ومطهر بليدج .. ديتول ... جف
1 درزن فوط صغيره .. 1 درزن فوط كبيره
2 زحافه صغير .. 1 زحافه كبير
2 مكانس عصا..... 2 مكانس يد مع مجراف
2 زحافات زجاج.... 2 سطل


ما هي الادوات اللي احتاجها ؟؟
ذكرتها فوق:) ... بس تدرين انا رااااااااح انظف كل هذا بعد التنظيف الاولي من العامل

الحمامات اشلون انظفها ؟؟
بالمواد اللي ذكرتها

البلاط كيف اخليه يلمع ؟؟ وتروح منه الطبقة البيضاء
نصيحه ... ماااااااا يخليه فعلا يلق الا جهاز الجلي
بس انتبهي ... خلي العامل يسويلك تيست في مكان مخفي شوي .. علشان تتأكدي من فعاليه الجهاز

الالمنيوم ( النوافذ والابواب ) كيف انظفها ؟؟
راح امسحها بمطهر....... و الزجاج بملمع زجاج

الابواب الخشب كيف انظفه ؟؟
الابواب الخشب ببخاخ بليدج للادوات الخشبيه

الادوات الكهربائية ؟؟
ياااااااا قلبي ما فهمت وش تقصدين بالادوات الكهربائيه

الابواب الحديد والسلم ؟؟
امسحها بفوطه مبلوله بمطهر

زجاج النوافذ والابواب ؟؟
ذكرتها فوق :)

الاسقف الجبسية ؟ والفجوات الجبسية .؟؟
الاسقف الجبسيه مجرد مسح ناشف .. والفجوات بفوط مبلوله..



طبعا كلللللللللللللللل اللي قلته يعتبر نظري
والله يعين على العملي
بس تدرين موضوعك مررررررررره شجعني اني استعد من هالاسبوع للاسبوع الجاي :)

up

السلام عليكم ..

بنات مشكوووووووورين على ردودكم الحلوة .. ونصائكم المفيده ...

قمرا ..

حياج الله تشجعيني واشجعك .....واااي مستانسة اني شفت احد وياي
تدرين اليوم توهم مخلصين العمال من تركيب ابواب الغرف ....و ان شا ء الله راح نبدأ حملة التنظيف ..تقريبا مع اجازة نهاية الاسبوع ..

بالنسبة للبلاط الخارجي افكر اجيب شركة تنظفه لان عليه طبقة بيضاء صعبه ترووح مع التنظيف يمكن اجرب محل صغير واشوف اذا راحت زين ؟....ما راحت انجيب عمال ولا شركة بس حق هالمنطقة لانها اصعب شئ ..

اما باقي البيت فهو نظيف .. يحتاج لحملة تنظيف قوووية . كككككك

انا بدأت الاسبوعين اللي طافو في تنظيف الحمامات حاليا يعني نظيفة بس مو مرة يبي لها تنظيف مكثف .. مرة ثانية بخصص لكل يوم حمام ..... والبيت يمكن ولا 6 مرات اكنسه ويرد يتوسخ من الغبار ومن وسخ العمال ..

واخذت مواد تنظيف مثل اللي اخذتيهم بالضبظ بس بعد زياااده اخذت وياهم مثل داك السائل لتنظيف لجميع الاماكن .. وشريت سائل كلوروكس لتبييض وتلميع الارضيات .. واخذت فلاش خاص للمجاري .. ومسحوق داك لتسليك البالوعات .. واممممم جف مع مبيض .. للحمامات .. واخذت سائل لتلميع الزجاج .. ومنظف المراحيض من داك ...وبعد ما ادري شنو وياهم نسيت وكلهم كلفو علي ب 130 ريال ..

باقي علي الديتول .. و ملمع للابواب الخشبية ..........وذكرتيني اشتري فوط للتنظيف ..

ها وش رأيك فيني ؟؟ حلوووة الاغراض >>>فرحانه فيهم ههههههه

بس اللحين باقي التطبيق العملي ..

الا انتي كم شغالة وياج ؟؟ ووياج عمال لو بروحج ؟ وبديتين تنظيف ولالا ؟