شكرا لك اختي فخوره
اختي الكمثرى الخضراء لا تبطين علينا بالشيك


اقتباس مشاركة  (..| جوليآنآ |..)
والله اانا مثلك في بالي مشروع يكلف من 800 الف الى مليون ويخدم مدينتي بشكل كبير ومتأكده من نجاحه
وناويه اقدم على بنك التسليف
ماعتقد بيطلبون منك شهادهـ لأن مشروعكـ عام ماهو معهد او شئ يعتمد عليه ويعطي شهادات
بس حبيت افيدكـ بشئ
اذا استخرتي وقررتي تقدمين عليهم
فيه بموقعهم دراسه اوليه تعبينها وترسلينها واذا وافقوا ردوا عليك ويطلبون منك دراسه شامله للمشروع
انتي خليها دراسه شامله ونهائيه [ سويها عند مكتب متخصص ]
عشان تختصرين الوقت ويقتنعون بمشروعك وماتراجعين عندهم كثير
واي مستجدات معك خبريني لاني مثلك تايهه
بس حبيت اسألك الارض من وين بتاخذينها
خصوصا ان القريه يبي لها مساحه
انا سمعت انه اقدر اروح للبلديه واطلب منهم مخطط كامل عاد مدري اذا ايجار او ملك
هالشئ موجود اكيد او خرابيط من الناس
مٌوفقه
وادعي لي ربي ييسر لي مشروعي ^_^
اهلين اختي جوليانا
الله يوفقني واياك..
بالنسبه للارض يقولون والعهده على الراوي ان البلديه تاجر لك الارض بسعر رمزي واذا كمل المشروع 20 سنه ياخذونه منك (والله قهر )في هالحاله مالك الا انك تستاجرينه منهم ..
طيب لو اخذت القرض ماتدرين كم يكون القسط كل سنه ؟؟
اخاف يكون المبلغ ضخم اكثر من انتاج المشروع واتوهق..

ع العموم نسال الله التوفيق..
طيب ممكن تقولين لنا وش مشروعك؟

وراء كل رجل عظيم امرأة..
وراء كل امرأة محطمه رجل ..
لييييه بس!!
اقتباس مشاركة  (مشغووووله)
اهلين اختي جوليانا
الله يوفقني واياك..
بالنسبه للارض يقولون والعهده على الراوي ان البلديه تاجر لك الارض بسعر رمزي واذا كمل المشروع 20 سنه ياخذونه منك (والله قهر )في هالحاله مالك الا انك تستاجرينه منهم ..
طيب لو اخذت القرض ماتدرين كم يكون القسط كل سنه ؟؟
اخاف يكون المبلغ ضخم اكثر من انتاج المشروع واتوهق..

ع العموم نسال الله التوفيق..
طيب ممكن تقولين لنا وش مشروعك؟
مافهمت شغلة البلديه ...!!
يعني اروح لهم واقولهم ابي ارض بالمساحه الفلانيه ولا كيف ..!!
ماقدر اخذهآ تأجير بنظام المنتهي بالتمليكـ ..!!
وبخصوص القسط والله مدري بسـ انا افضل سنوي بســ آخاف من شغله ماقدر اطلع المبلغ في السنه
رغم اني المشروع مضمون بس الواحد يخاف صراحه
في حالة اخذتي مليون يصير القسط السنوي ( 5 سنوات هاذي المدهـ المحددهـ للتسديد ) 200 آلف ريال
والشهري اعتقد 16 الف
انا مشروعي قاعه مناسبات ومحتاجه مساحه مو اقل من 5000 متر مربع ومشروعي في مدينتي مضمووون مليون بالميه وستايله ماهو موجود عندنا ابدا
وبقدم ع بنك التسليف للمشاريع فوق 400 الف
بس محتارهـ بين 800 الف والمليوون
اللحين البلديه بكم تأجرها لي ... وبعد 20 سنه ياخذونها مني مع المشروع ولا كيف .!!
اذكر مرهـ لقيت بنت رادهـ مقدمه على بنك التسليف للمشاريع فوق 500 الف وكان مشروعها حضانه اطفال
دقوا عليها بعد اسبوعين وهي اللي قالت لي سوي دراسه نهائيه من البدايه عشان تختصرين الوقت
بس قالت لي مايعطونكـ تمويل فوق 500 الف الا اذا كان مشروعك طبي او تعليمي ومذكور ذا الشئ في موقعهم
عاد انا فصفصت الموقع مالقيت شئ من اللي تقوله
واكتشفت انه ذا الكلام قديم وشالوه من السايت
اللحين في شهر 12 اللي فات منزلين قرار في الجريدهـ ان التمويل بيوصل لأكثر من 4 ملايين في كل المجالات
والمرأهـ له نصيب من ذا المووضوع
والافضل للمشاريع التجاريه تاخذين ارض استثمار ( تأجير منتهي بالتمليك ) لمدة عشرين سنه او اكثر
والله يرزقنا ويوفقنا
والله يا جوليانا هذا للي قالوه لي
فتح عندنا قاعة مناسبات من اكثر من 15 سنه والارض من البلديه وصاحب المشروع شرط عليهم ان ماحد يسوي صاله ثانيه لان الديره ماتحتمل ووافقوا والاجار رمزي بس اذا كمل 20 سنه ياخذونها منه هذا اللي فهمته ..وماعاد بقى له الا كم سنه بس والله قهر ..
وشلون هذ التاجير المنتهي بالتمليك ؟؟هل هو حلال ؟؟والله كانه حلال احسن من اني اتعب وفي الاخير ياخذونه ..
بس والله كثير 16 الف كل شهر ..اي كان الواحد مايضمن ..

مشروعك حلو الله يوفقك ..بس لازم يكونون اهل المدينه راعين عروس وطقطقه والا المشروع ماينجح اهل ديرتنا زواجاتهم سكاتي
لا يكونون ربعك مثلهم
اسال الله ان يوفقني واياك والمسلمين والله انا ماهمني اربح كثر اني ابي اشغل نفسي ..

وراء كل رجل عظيم امرأة..
وراء كل امرأة محطمه رجل ..
لييييه بس!!
هاه بشرينا سويتي مشروعك ؟؟
لي حيلة فيمن ينمُّ فإنني.... آطوي حديثي دونه وخطابي
لكنما الكذاب يخلُقُ قوله.... ماحيلتي في المفتري الكذابِ ؟!
بالتوفيق يااااارب
تجربتي الرائعه في شراء كاميرا إحترافيه من كام فور سيل



الساعة الآن 08:01 .