اللي فاضية تدخل تشوف وش صار قبل شوي..

صباح الخير.. للي يقرون الصبح..
مساء الخير للي يقرون المساء..

المهم..
>>>>>>من الروعه بدخل الموضوع سيده..

بنات تخيلوا قبل شوي..نقزت في وجهي قطوة من تحت الطاوله..طالعه الاخت من غرفة اخوي..
وتمشي بكل ثقه.. المهم ركضت من الروعه وراها.. الا اخوي في الدرج.. ويلحقها بيطلعها بالحوش.. بس الباب مسكر.. وانا واقفه باخر الدرج
>>>>.يعني حارس على غفله عشان ماترجع..
واخوي بنص الدرج.. والقطوة واقفه ..واجي وارسل عليها جزمة رياضه (وانتم بكرامه).. وتنحاش للباب المسكر.. وترجع..ويخوفها اخوي ولاهمته..وترقى علي وانا اصرخ..يممممه.. وادخل غرفتي واصك الباب.. قال اخوي خوش حارس انتي ووجهك..

المهم رجعت الا اخوي بلشان فيها بوسط الدرج..
واخوي الثاني الكبير توه داخل..ومعه عشاه.. وسكر الباب وراه.. والقطوة تبي تطلع وماتدري وشلون..والباب بينا وبينها..
المهم رقت القطوة ووقفت بنص الدرج..بين اخوي وبين الباب.. ويجي اخوي الكبير ويفتح الباب..
واجي انا وارسل الفرده الثانيه..وهي تنقز من الدرج وتزغل وانتم بكرامه على السيراميك وشوي على الدرج..وتطلع.. ولا يفوتكم الريحة الحين واصله وين مع اننا نظفناه..
لا والمسكينه شكلها حامل..وبتجيها ولاده مستعجله..
وامي الحين فوق راسي تقول حرام عليكم اكيد تعورت وسقطت..:42: