السلام عليكم و رحمة الله وبركاته

شو أخباركن يا طباخات حواااااء

عندي كم سؤال و إن شاء الله الاقي عندكم الاجوبه و الحلول

عندي خميره فوريه شريتها من رمضان و حافظتنها فالثلاجة اليوم سويت فطاير بس احس ان العجينه ما انتفخت نفس كل مره

هل الخميره تخترب خلال هالفتره من رمضان للحين ؟

طيب كيف احفظ الخميره عشان ما تخترب هل احطها في الفريزر ؟

و بالنسبه للبيتزا كيف اعمل الصلصه الحمراء اللي تنحط اول شي ؟

أنا احط كاتشب بس ابغي الصلصه الأصليه للبيتزا . . .

انتظركم يا حلوات
اول شي حبيبتي الخميرة الفورية ماتخرب الابعد انتهاء صلاحيتها بس اللحين الجو بارد

حاولي تحطين العجين بمكان دافئ وتعجنينها بمويه دافيه مو حاره ثاني شي

صلصة البيتزا هي بصل مفروم ناعم + طماطم مطحونعلى النار ويضاف عليه

ماجي وبهارات البيتزا وبالعافيه
يا قلبي الخميره تجلس على ما اظن من السنه للسنتين

وصلصه البيتزاء هي

تكشنين بصل وثوم مفروم وبعدين الطماطم المعصوره والبهارات والماجي

وسلامتك يا الغاليه

سبحان الله وبحمده عدد خلقه ورضا نفسه وزنه عرشه ومداد كلماته

اصغر حواء

ريفانوو

جزاكن الله خير عزيزاتي . .

الحميرة لازم تنحط في الفريزن

بس شكلك امكن نسيتها برة كم ساعة لأنها تفسد على طول

بمجرد ما تفتحيها لازم تحطيها بالفريزن


وصلصة البيتزا:

انا دايم اسويها ولذيذة مرة

كشني على بصل حتى يحمر وحطي في راس السكينة شوية ثوم وقلبيها لا تكثري ثوم عشان الطعم

وبعدين حطي اثنين طماطم وخليها تتسبك وحطي شوية بهار بيتزا تنباع جاهزة في السوبرماركت وخاصة بنده او المستهلك

وكمان كمون قليل شوية ومللح

وبعد ما تقفلي عليها حطي ملعقة او ملعقتين كتشب ..

وفي ناس يحطوا قليل خل ابيض بس انا ما احط

وبالهناء والعافية


الساعة الآن 07:11 .