Analysis Services
السلام عليكم ورحمه الله وبركاته


اخواتي بنات حواء

انا من اشد المعجبين في المنتدىوفي هلقسم بذات

لان التجاره تستهويني من صغري

والحين ابغى استشيركم في موضوع

انا مخلصه جامعه تخصص ادارة اعمال وعندي دبلوم كمبيوتر وخبره في التدريس الحاسب والسكرتاريه وعندي انجليزي بعد والحمدلله

بس ما عندي وظيفه

وعندي افكار مشاريع بس المشكله ما عندي راس مال

والحين انتقلت لمدينه تانيه شروره بس الحلو فيها انها توها مافيها خدمات كتيره وهذا الي خلاني افكر اسوي مشروع

قدمت على صندوق المئويه ومنتظره

والفررررررراغ ذبحني لاني وحيده ماعندي خوات

وماادري اشلون ابدا فكرت اني اتعرف على بنات من سني في نفس المنطقه وهذي سهله

وعندي كم فكره في بالي بس ما ادري ببتنجح والا لا

والله الاسواق عندنا خايسه مافيها شي حلو والبضاعه الي فيها من النوع الرديئ جدا وما عندنا ماركات وغير كذا اهل البلد يطرو يشترون من جده او الدمام او الرياض يتقضو للعيد اوغيره وحتى فساتين السهرهيشترونها من برا والعروس مستحيل تتقضى من هنا لان مافي شي حلو والاهم في الموضوع ترتيبات يوم الزواج عندنا محلين يسون الكوش مع الزفه
بس الكوش الي يسويها مرررررررره بايخه واذ جاب كوشه كل ما تدخلي زواج تلقي نفس الكوشهويفضل شهر على ذا الحال يعني يستهلك الكوش مشا الله وياجر فساتين العراوس وبرضه موديلات قديمه وبايخه وفوق هذا اسعاره نار على ايش ما ادري

فكرت في مشروع تنظيم حفلات يعني مثلاانا والبنات الي معي نسوي الصحون الي تنحط على الطاولات ونسوي مسكة العروس لاني قد سويت لبنت خالتي يوم زواجها وانهبلو عليها وغير كذا الزفه مثلا اتعامل مع محل في جده او الرياض يسويها لنا ويكون ليه نسبه فيها و اتعامل مع محل كمان في جده يسوي فستان العروس يرسل لي كتلوجات وتختار الزبونه من عندي وهم يشحنوه لنا لان يوم زواج اختي قالنا صحاب المحل نقدر نشحنه لكم وعلى حسابهم طبعا مع الاكسسوارات او نفس الشي اشوف محل يرسلي الاكسسورات بس المشكله في شي الكوش ابي اعرف اشلون اجيبها الي تعرف ياريت تفيدني وغير كذا ايش ممكن نقدم خدمات وهل ممكن اني انجح في مشروع زي هذاوتتوقعون بيكلفني قد ايش بيكلفني يعني ممكن ابدا من غير راس مال
لاني والله احترت من وين ابدا وشفت هذا اسهلهم بنسبه لي لاني احب اغلف الصحون واسوي المسكات واسوي زفه العروسه
وهل ممكن اني اسوي المسكات واعرضها هنا في المنتدى وتشترونها لو عجبتكم


والله يا بنات الفراغ ذبحني وفوق هذا محتاجه
ياريت تساعدوني والي عندها فكره لا تبخل عليه


والله يجزاها خير الي بترد عليه والله اني تعنيت لكم يا بنات حواء ومن كم يوم مستنيه على نار تتفعل عضويتي
08-01-1430 هـ, 03:44 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
خمس مشاهدات ولاحد يرد وشفيكم علي




الله يجزاها الجنه الي ترد
08-01-1430 هـ, 05:04 صباحاً
 
اتوقع مشروع تجهيز وتنظيم حفلات اعراس ان شاء الله بينجح لأن هالشي مو متوفر وشبه نادر عندكم
لكن فكرة فساتين الزفاف انتظري لا تستعجلي ابدئي اول شي بالتنظيم للحفلات وشوفي مدى قابلية الناس عليها ومدى الطلب وبعد كذا توسعي اكثر واكثر بالأفكار الخاصه بالحفلات..
اما موضوع الكوش ممكن تتفقين مع محلات نجاره ومحلات ورد بداخل مدينتك او اقرب مدينه لشروره ويكون بينكم تعاون لتجهيز الطلبيات
ونمي الموهبه عندك واقتبسي افكار بالبحث من خلال قوقل وادرسي الأفكار هل ممكن تتنفذ..
ان شاء الله ربي يوفقك
عساني نفعتك لو بشي بسيط
08-01-1430 هـ, 09:49 صباحاً
 
الله يوفقك

ممكن تتعلمين المكياج وتعملين مكياج للبنات في بيتك أو تروحين لها البيت حسب اللي يريحك

وايضا ممكن تعملين مسكات العرايس والصحون وتسوقينها من خلال هذا الموقع
08-01-1430 هـ, 10:27 صباحاً
 
تسلمين اختي بويسون

على ردك و**** الله اخذ بنصيحتك بنسبه للفساتين

والنجارين مقدور عليهم بس الورد مو موجود هنا اتوقع اجيبه من برا


يسلموو
08-01-1430 هـ, 09:36 مساءً
 


الساعة الآن 06:50 .