هذي طلباتكم كتبت بعض الطرق بس الباقي بكتبها لكم ابشرووووو...
...طريقة الكبه...
خذي توست ابيض او اسمر وشيلي الأطراف منه وخذي شبت(شبنت)مفروم وحطيها في الخلاط وحطي عليها مويه حتى تصير عجينه وبعدين كوريها على شكل كبه واحشيها لحم او دجاج او خضار(انا حشيتها دجاج)وبعدين حطيها في بيض وبقصماط وحطيها في الثلاجه او الفريزر علشان تتماسك اذا جيتي تقلينها(وبالهنا والعااااااااافيه)..
..والكيكه..
خليط بيتي كوكر الجاهز تخبزينها وتحطينها في الصينه ودخليه الفرن واذا استوت طلعيها وخليها تبرد بعدين اقسميها نصين واخلطي في الخلاط دربم ويب وقشطه وربع كوب حليب بارد جدا وشيلي الجزء الأعلى للكيكه وحطي على الجزء الي تحت (يعني احشيها)من الخليط وحطي فوقه اي نوع من المكسرات(احنا حطينا لوز مدقوق)بعدين حطي الطبقه الثاني عليها(سكريه يعني استريها)وبعدين ضعي بقية الخليط على الكيكه كاااااااامل (يعني غطيها من جميع الجهات)وزينا بالي تبغين شوكلاته اولوز شرائح يعني على كيفك مابي اتشرط حتى في الزينه...
..وعجينة الفطاير هي..
(حطي 6 اكواب دقيق ولكل كوب ملعقة حليب بودره )و(فنجان قهوه سكر)و(قليل من الملح)و(ملعقه صغيره بيكنبودر)و(نص ملعقة طعام خميره)و(نص كوب زيت)اعجنيها واحشيها بالحشوااااات الي تبين(نصيحه من امي وهي مجربه الي تبي فطايرها تزبط تعجن العجينه في الليل واذا انخمرت نص انخمار حطيها في بلاستيك مايكون صغير على العجينه علشان اذا ارتفعت وسكريه بأحكااااااام ودخليه في كيس وحطيه بالثلاجه وقبل الأستخدام طلعيها بساعتين)
..اما سلطت العدس مفيده وطعمها خيااااال لاتفوتكم...
عدس اسمر مسلوق حتى يستوي بدون ماينهرس صفيه من الماء واتركيه يبرد على جنب وافرمي شبت قليل من البقدونس وبصل اخضر واذا تبين تحطين طاطم حطي حبه صغيره مقطه قطع صغاااااار واخلطيها مع العدس ثم اضيفي لها قليل من الفلفل الأسود وعصير ليمون وزيت زيتون وقليل من الخل توضع عليها قبل التقديم وتقدم باااااااارده(والهناء والعافيه)
