Analysis Services
هلا وغلا بكل من ردت علي وشجعتني والله لايحرمني منكم يارب

واسفه جدا اني تأخرت بالرد عليكم بس والله غصب عني هالجهاز هبل بي


جلست ساعتين اكتب في قسم الحلويات عن حلى ولما وضعت ارسال لم يرسل وانمسح كل اللي كتبته مع الصور


ورجعت اعيده من ثاني ورجعت الان احمل الصور من موقع اخر لانهم قالوا انها ماطلعت


وانتوا بردودكم اثلجتوا قلبي ان الصور طلعت لكم الله يخليكم وحسيت ان تعبي بفايده


اولا للي طلبت طريقة صلصة البيتزا مره سهله


اكشني بصل مع زيت زيتون لما يتحمر مع وضع شوي ملح كمون ليمون اسود مطحون بعدين قطعي طماطه صغار وضعيها معها وشوي من معجون الطماط تقريبا 2 م كبار طعام وبيالة ماء وحركيه بعدين قصري عليه وخليه على النار لين تروح المويه وتثقل بعدين صكري عليها واشتغلي بها .... للي تحبي


اللي طلبت الحلى :


بسكوت اولكر الخاص بالشاي اغمسي كل حبة بالحليب طبقتين

بعدين ضعي بقدر على النار علبة قشطه وفنجال سكر وحركي لين تذوب القشطه وتصير توفي ويصير لونها ذهبي

صكري عليها وصبيها فوق البسكوت حاولي يغطيه كلللله بعدين جيبي حلى الاولكر الحمر المربعات وصفيها فوق

التوفي باي طريقة تعجبك وجيبي سائل الهيرشي وصبي بكل مربعه منه وخليه بالثلاجه او اذا تحبي وباقي من خلطة

التوفي صبي فوقها بعدين صبي الهيرشي عليه تطله يمممممممم ... والف عافيه .....


اللي طلبت المكرونه الصيني :


اسلقي المكرونه بزيت زيتون وشوي ملح ومويه خليها على النار

اكشني بصل وضعي ملح كمون فلفل حار واحد وليمون اسود مطحون لما تكشن ضعي خضار المجمده اللي

تجي بكيس المشكله وحركيها مع البصل بعدين اضيفي طماطه واحده مقطعه صغار وحركي ثم معجون طماط ملعقه كبيره طعام وحركيه وشوي مره ماء وصكري عليها لما تتسبك وتروح الماء منها ثم صفي المكرونه وضعيها بصحن

التقديم وضعي الخضار فوقها وبالف عااااااااافيه ترا جدا رااااااائعه وخفيفه


واي شيء اخر انا بالخدمه وهلا ومرحبا فيكم تعبت خخخخخخخ
11-01-1430 هـ, 04:52 مساءً
 
الله يعطيك العافيه
11-01-1430 هـ, 05:12 مساءً
 
واااااو روعةسلمت يداك اللهم احفظ اولادي ولا تضرهم ووفقهم لطاعتك
11-01-1430 هـ, 05:57 مساءً
 
ماشاء الله رووعه
11-01-1430 هـ, 06:08 مساءً
 
بالعافيه عليكم
11-01-1430 هـ, 06:17 مساءً
 


الساعة الآن 10:04 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏