هلا وغلا بكل من دخل الموضوع..
اسعدني ترشيح اختي الحبيبه مدام شرين _ ام ادهم لاكون العضوه التاليه بالمطبخ..
واتمنى اني اكون عند حسن ظنها وظن بنات حواء..
تعالو نبدا..
الطبق الاول..
حلا القهوه..
وما اعتقد ان فيه حلا قهوه احلى وادفى من التمر والزبد .. وهذا كان حلاي.. ذوبي نص اصبع زبده وحطي عليها ملعقتين كبار طحين.. واحمسيها بالزبده واضيفي له كمية تمر منزوع النوى... وقلبيهم الى ان يتجانسون وبعد كذا اضيفي له ربع بيالة حليب الشاي.. ( بوني ) وارفعيه عن النار وقدميه مع القهوه وترى هالطبق معروف عند اهل نجد..
اترككم مع الصور..


ما شاء الله تبارك الله لا حول ولا قوة الا بالله



الطبق الجانبي الاول..
شوربة الكوسى والبطاطس..
قطعي شوي بصل ودقي شوي ثوم واحمسيهم واضيفي لهم ملح وفلفل اسود وقلبيهم الى ان يذبلون شوي بعد كذا اضيفي لهم بطاطستين مقشرين ومبشورين وثلاث حبات كوسى مبشورات وقلبي شوي وبعد كذا اضيفي لهم المويه الى ان تغطي الخضار وترتفع عنه شوي بعد.. ووطي النار وخليه يستوي على نار هاديه وبعد ماتستوي اضيفي لها ملعقة كبيرة مليانه جبن سايل وملعقتين حليب بودره... وقلبي وبعد كذا شيليها من النار وخليها تبرد شوي واخلطيها بالخلاط ورجعيها للقدر مره ثانيه وسخنيها وصبيها في صحن التقديم وزينيها بشوي بقدونس.. وبالعافيه..
اترككم مع الصور





فضلا لا أمرا عدم الرد قبل اكتمال الموضوع

اشكر اختي عقد JوJو على التوقيع الحلوو
الطبق الجانبي الثاني.. ( وهو طبق اهداء مني لراعية البل هاااااا؟؟؟ عساك على الوعد؟؟ )
سلطة المقالي.. وهي من فناتكي..
طريقتها قطعي خضار منوع ( كوسى جزر بطاطس زهره ) قطع صغار واقليه.. واسلقي مكرونه.. وقطعي بقدونس كميه..
اخلطي المكرونه مع البقدونس وبعدين اضيفي لها الخضار المقلي واخلطي معها شوي ذره..
الصوص.. (ملعقة مايونيز + ملعقة جبن سايل+ ملعقة صوص الرانش+ ملعقة طحينه + بيالة مويه+ فلفل اسود) واخلطيهم و بعد كذا صبيه على السلطه وزينيه بالبقدونس وقدميها بالعافيه اخليكم مع الصور..





الطبق الرئيسي..

اكثر طبق احبه من طفولتي واطلبه دايما من امي الى ان كبرت وانا ما اقااااااااااااا ومه..
الكوسى بالباشميل..
اليكم طريقتي.. فرغي الكوسى واحتفظي باللب.. وبعد ماتفرغينها اقسميها الى نصفين.. واقليها.. اما اللب قطعيه صغار واحمسيه مع شوي بصل وثوم وبقدونس وبعد مايستوي صبيه في صينيه.. وقطعي دجاج قطع صغار واحمسيه مع بصل وثوم وبقدونس ولاتنسين طبعا الملح والفلفل واذا تحبين اي نوع بهار.. وصفي الكوسى المقليه على اللب وبعدين وزعي الدجاج فوق الكوسى حبه حبه وبعدين صبي عليها الباشاميل ( كاس مويه + 3 ملاعق حليب بودره + 2 طحين + ملح وفلفل + 3 حبات جبنه ) اخلطيه بالخلاط وبعد كذا صبيه في قدر وحركيه على النار الى ان يثخن وبعد كذا صبيه على الصينيه وزينيها بالبقدونس و دخليها للفرن على حرارة 350 فهرنهايت ( كهرب ) الى اتتماسك وبعد كذا حمريها من فوق.. وقدميها بالعافيه..
وهذي صورها..





الرجاء عدم الرد حتى اكتمال الموضوع
اشكر اختي عقد JوJو على التوقيع الحلوو
طبـــــــــــــ ـق حلا السفره..
كيكة البسكويت والحليب بالشوكولاته
مقاديرها..
كاس بسكوت مطحون
كاس حليب بودره
كاس سكر
ملعقه كبيره بيكينق باودر
فانيلا
اربع بيضات
اصبع زبده
علبة قشطة
طريقتها:
احمسي الحليب والبسكويت على نار هاديه الى ان يتحول لونه للون الاشقر المايل للبني.. وبعد كذا حطيه في وعاء عميق واضيفي له باقي المقادير واخلطيهم ... وصبيهم في صينيه وسطها مرتفع زي اللي بالصوره ( قبل لا تصبين الخليط في الصينيه احرصي على ان تكون الصينيه مدهونه بشوي زيت ومرشوش عليها شوي طحين عشان ماتلصق الكيكه وتنفك بسهوله من الصينيه) وخليها للفرن على حرارة 350 فهرنهايت ( كهرب ) الى ان تنضج وبعد كذا طلعيها من الفرن وخليها تبرد شوي واقلبيها بحذر عشان ما تتقطع..
بعد كذا حطي في الخلاط علبة قشطه عليها 3 حبات كيري و3 حبات جبن مثلثات ونص بيالة حليب شاي.. وبيالة سكر وبيالة حليب بودره واخلطيهم وبعد كذا صبيها على الجزء المنخفض من الكيه زي اللي بالصورة..
بعدين ذوبي نص اصبع زبده مع حبتين جالكسي الساده.. في حمام مائي ولما يذوبون صبيي الخليط في كيس بلاستيك نظيف وقصي طرفه بحيث تكون الفتحه مررررره صغيره واعصري الشوكولاته بشكل دواااااائر وحتى على الاطراف.. وقدميها وبالعافيه.. اترككم مع الصور..





ما شاء الله تبارك الله لا حول ولا قوة الا بالله
وبالعااااااافيه .. يهمني اسمع ارائكم حبيباتي..

الاجزاء السابقه..

الجزء الاول مع الاخت زيتونة 500,,
http://forum.hawaaworld.com/showthread.php?t=1450706

الجزء الثاني مع الاخت حفيدة حصة
http://forum.hawaaworld.com/showthread.php?t=1453625

الجزء الثالث مع الاخت حلاها في حياها,,
اhttp://forum.hawaaworld.com/showthread.php?t=1459140

الجزء الرابع مع الاخت شروح الكلام,,
http://forum.hawaaworld.com/showthread.php?t=1466024

الجزء الخامس مع الأخت حجابي عفافي,,
http://forum.hawaaworld.com/showthread.php?t=1470690

والجزء السادس مع الأخت $$al7booba$$,,
http://forum.hawaaworld.com/showthread.php?t=1475860

الجزء السابع مع الأخت دوحة القرآن’’
http://forum.hawaaworld.com/showthread.php?t=1483413

والجزء الثامن مع الأخت راعية البل ,,
http://forum.hawaaworld.com/showthread.php?t=1487392

والجزء التاسع مع الأخت هدووبه ,,
http://forum.hawaaworld.com/showthread.php?t=1501780

والجزء العاشر مع الاخت عيون حزينه ,,
http://forum.hawaaworld.com/showthread.php?t=1505510

والجزء الحادي عشرمع الأخت شمعة من ثلج,,
http://forum.hawaaworld.com/showthread.php?t=1507945

والجزء الثاني عشر مع الأخت أميرة الشوق,,
http://forum.hawaaworld.com/showthread.php?t=1512645

والجزء الثالث عشر مع الأخت فنون نجد,,
http://forum.hawaaworld.com/showthre...0#post25907060

والرابع عشر مع الأخت سديم الشوق,,
http://forum.hawaaworld.com/showthread.php?t=1519015

و الخامس عشر مع الغالية أم الزرابة,,
http://forum.hawaaworld.com/showthread.php?t=1519345

الجزء السادس عشر مع الاخت ام عبد المنعم,,
http://forum.hawaaworld.com/showthread.php?t=1523738

الجزء السابع عشر مع الاخت لاتحزنين,,
http://forum.hawaaworld.com/showthread.php?t=1527321

الجزء الثامن عشر مع الاخت مدام شرين ام ادهم..
http://forum.hawaaworld.com/showthread.php?t=1531668


وارشح بعدي في الجزء العشرين العضوه غلا بنت خالد..
اشكر اختي عقد JوJو على التوقيع الحلوو
ما شااااااء الله تبارك الله
رووووووووووووعة حبيبتي
كل طبق أحلي من التاني
تسلم الايادي يا قمرررررر
يارب لك الحمد كماينبغي لجلال وجهك وعظيم سلطانك
اللهم أتمم علينا نعمك واحفظ مصر من كل سوء وهيأ لها امرا رشدا


ماشاء الله تبارك الله
روووووووووووووو ووووووووووووووو عة
.


الساعة الآن 07:03 .