الحمدلله ربي هون علي وولدت بالسلامة وجبت بنوته
ما اقولكم الولادة حلوة وسهله
بس ياربي لك الحمد آلامها وصعوبتها تنسينها ساعت ماتشوفين البيبي سليم
واللي تقولك تموت ومدري ايه هذي مرة شادة اعصابها
وانتي بالطلق تذكري عظم الأجر اللي بتحصلينه
ولو الموضوع مرعب ما كانوا الحريم اللي ولدوا حملوا وولدوا مرة ثانية
بس انا بتكلم لكم اليوم عن مشكلتي
أنا ولدت في مستشفى تداوي الدمام
لأني أعرف الدكتورة سامية هناك دكتورة شاطرة مرة
بس بعد الولادة بكم ساعة أو بعد مانزلوني غرفتي تعبت شوية من تحت ولا قدرت اتحمل الألم
طلبت مسكن عطوني بندول
وقبلها جابوا لي مع العشى مضاد حيوي
عقب اطلب المضاد جابو لي اياه بالمنة
وسووا لي مغطس مع مطهر (مغطس للمنطقة اللي تحت زيادة تعقيم)
هالمغطس سووه مرة وحدة
وبالليل حسيت بدوخة طلبت من الممرضة توديني الحمام وانتم بكرامة
ودتني بس ما انتظرت ترجعني
وزيادة انا بعد الولادة صار معي برد وإسهال وأنتم بكرامة
فمضطرة أروح الحمام كل شوية
والممرضات انفسهم خايسة ما كنة مستشفى خاص
وكل ما دقيت الجرس يقولون انتي والدة طبيعي قومي اتحركي امشي لحالك
استحيت من كلامهم صرت اعتمد على نفسي مع اني مرة تعبانة من تحت احس بنار طول الوقت
طلعت بعد الولادة بيومين
ورحت لأهلي عشان اتنفس
مرة تعبانة الألم لا يحتمل
والمس انتفاخ بالمنطقة
اصريت اروح مستشفى بشوف وش القصة
رحت باليوم السادس من ولادتي
الدكتورة انهبلت من جرحي
تقول خيوطك ماسكة بطرف اللحم والجرح ملتهب ويطلع صديد
وقعدت تسب مين اللي مخيطك؟؟ وكم مرة صرفوا لك مضاد؟؟ وكم مرة سويتي مغطس؟؟
وأنا إلا اليوم وانا اروح جلسات تنظيف من الإلتهاب اللي جاني
وزيادة بعد كل هذا
تقول لازم لك إعادة خياطة لأن المنطقة كلها مفتوحة من برى لجوى
أنا حبيت أقولكم قصتي عشان تدعون لي ربي ياجرني ويخفف علي الألم
وعشان احذر بطريقة غير مباشرة من مستشفى تداوي الدمام
ما ادري العيب من خياطتهم
وإلا الإسهال اللي جاني ساهم في زيادة الإلتهاب؟؟
وإلا المشي الكثير هو السبب
أنا بس حبيت أقول اللي عندي
لاتنسوني من دعواتكم الصالحة
الــ كله ــزين @al_klh_zyn
عضوة نشيطة
يلزم عليك تسجيل الدخول أولًا لكتابة تعليق.
اخت اخوها..
•
الله يكون بعونك ان شاء الله ويقومك بالسلامه
الصفحة الأخيرة