Analysis Services
الله يجزاك خيرياام وليد..افدتيني
14-01-1430 هـ, 12:52 صباحاً
 
الدجاج ربع ساعه تقريبا

اللحم اذا طازج ثلث ساعه واذا مجمد نصف فقط
14-01-1430 هـ, 12:58 صباحاً
 
من تجربة كنت اطبخ اللحم في الليل ولا تطلعيه من مويته فما يتغير طعمه ولما ترجعي على طول اكبسي الرز عليه
والدجاج انا اكبسه مع الرز وما يأخذ ربع ساعة
وبالعافية

نسيت اقولك تأكدي من اغلاق القدر جيداً وانه ما يطلع منه ولا نسمة هواء لانه إذا كان ينسم ولو قليل فما يعمل عمل قدر الضغط انما صار قدر عادي
14-01-1430 هـ, 01:59 صباحاً
 
اختي اولا على حسب القدر اللي عندك ونوعيته انا افضل التربو يستوي الاكل فيه بسرعه

ثانيا على حسب اللحم الي عندك يعني اذا كان غنم كبير في السن يطول من اللي اصغر وعظامه صغيره يعني يمكن الصغير من ربع الى ثلث ساعه واذا كبير من ثلث ساعه الى نص ساعه
وبعد على حسب قطع اللحم اذا كبيره او صغيره والدجاج طبعا اسرع من عشر دقايق الى ربع ساعه بس عن تجربه التربو سريع مو زي السيف انا عندي الاثنين التربو مخليته للحم والحالات الطارئه ضيوف او شي زي كذا والسيف عندي الصغير وللدجاج ياخذ ربع ساعه للدجاجه اما الرز كلها عشر دقايق فيها الاثنين طبعا يكون الرز متنقع قبلها يعني في اثناء طبخ اللحم
وبعد عشان اسرع لك المويه الي بتطبخين اللحم فيها اغليها قبل واستخدميها على طول وهي حاره عشان ماتاخذ وقت ويشتغل الصمام يعني في اثناء تقطيعك لللحم والبصل اغلي المويه وبكذا مع الوقت راح تتعودين عليه
ارجوا انك فهمتي عليه واني ماطولت وكثرت هذره زايده
تقبلي مروري
14-01-1430 هـ, 02:14 صباحاً
 
السلام عليكم خواتي
انا عندي قدر السيف وطريقة استخدامي اول احمس اللحم وهو قطع صغيره مره مع البصل و الثوم و البهارات لمدة ربع ساعه ثم اضيف كوبين ماء واسكر القدر واذا فاح اقصر عليه واخليه لمدة ساعه لان يحب اللحم ذايب ثم اضيف الرز واخليه 10 دقائق

الخبيرات في قدر الضغط وش رايكم في طريقتي وهل فيه طريقه اسرع
وشكراً للجميع


سبحان الله وبحمده سبحان الله العظيم
14-01-1430 هـ, 07:16 صباحاً
 


الساعة الآن 03:11 .