والله يا جماعة خاطري في يوم اغلف هدية بس تكون روعة

و الله ربعي ايجيبون لي هدايا بس تغليفها ايكفيني


مره في وحده جابتلي مجسم لحديفة و في الحديقة حاطة الهدايا يعني فوق الشجره احصل عش و في العش خاتم تحت العشب الاخضر احصل بيجامة نوم



و الثانية جابتلي سلة ملفوفة بخيشه ذهبية و معلقة فيها عناقيد عنب و الله روعة


اليوم جا دوري اردلهم الهدية و حابة اتكون هديتي روعة بلييييز دلوني

انا سمعت عن محل في الشارقة اسمه اماسي يغلف هدايا ما ادري الاسم صح و لا غلط
28-12-1424 هـ, 09:09 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي اماسي هو خدمات افراح يعني يسوي كوش روعه لانه احنا مجربينه في خدمات الافراح لكن صدق معاملتهم روعه قمه في الاخلاق ويعطونج اللي انتي تبينه واسعاره بعد وايد زينه هذا عن تجربه ويسوي بعد حق حفلات اعياد الميلاد وكل شي تبينه من تصوير الين والين البوفيهات ........ الخ
اما بخصوص تغليف الهدايا فما سمعت عنه لانه هو خدمات افراح
واتمني اي حد يفديج في موضوعج
28-12-1424 هـ, 11:59 صباحاً
 
أختي مازه ولا مزه
أنع كنت شايفه محل بمركز التعاون اللي بالشارقة هو للهدايا بس بصراحة ما تعاملت معاه
تقدرين تروحين وتشوفينه بنفسج
28-12-1424 هـ, 01:34 مساءً
 
فى محل بدبى بشارع الميناء اسمه بيبر مون روعة وعنده اشياء عجيبة


وبعد فى محل بشارع الضيافة اسمة الكارت شوب بعد حلو


بس المحل الاول حركاته غير وشوية السعر اعلى


هذا اللى اعرفه اتمنى اكون افدج
29-12-1424 هـ, 05:32 مساءً
 
وردة الشارقة

مشكورة حبيتي على ردج و راح اتصل بالمحل و اتاكد

اوفيليا

اظني انا شايفة المحل بعد بس ما شفت مسوي حركات غريبه


سنابل الزمن

حابه اسال عن نماذج الهدايا اللي شفتيها في المحل و بكم تقريبا سعرها


انا عن نفسي رحت لمركز صحارى بالشارقة وشفت محل حذال دبنهامز حلو مره بس المشكله انه غالي جدا جدا يعني الحركه تطلع اغلي من سعر الهديه
02-01-1425 هـ, 03:28 مساءً
 


الساعة الآن 11:48 .