Analysis Services
اعتقد انه الكاس العادي وعموما ما فيه فرق كثير يعني بتظبط الكيكه ان شاء الله
15-01-1430 هـ, 04:52 مساءً
 
شوفى ياقمر

الكاس هو كوبايه الميه الطويله مش كوبايه الشاى
يعنى لما تلاقى وصفه مكتوب فيها كاس طحين او كاس سكر الخ معناها كوبايه الميه الطويييييله

انما لو مكتوب كوب يبقى كوبايه الشاى العاديه

وخدى بالك فيه حاجه تانيه اسمها بياله <<بياله شاى ودى كوبايه للشاى صغيره اوى يعنى مثلا بياله سكر حطى تقريبا 5 معالق كبار

واللبن لاء مش بيتدفى ولاحاجه

بيتدفى بس فى العجائن يعنى الحاجه اللى بتحتاج خميره بيره عشان الخميره تنشط وتتضاعف

وشوفى ياستى طريقتى فى الكيك سهله وبسيطه خالص
ملحوظه مهمه: الكوبايه اللى هتعايرى بيها لازم تعايرى باقى المقادير بيها برضه يعنى تبقى نفس الكبايه
انتى هتطلعى 5 بيضات من التلاجه وعلبه زبادى 180 جرام تقدرى تستخدمى علبتين كل علبه 90 جرام
تطلعيهم قبل ماتعملى الكيكه بساعتين مثلا
ليييييه؟؟؟؟؟
عشان البيض كل ماكان بدرجه حراره الغرفه كل ماينفش اكتر فى الضرب ونتيجته تكون احلى

وكوبايه ونص سكر<كوبايه الشاى العاديه
نص كوبايه زيت
كوبايتين دقيق منخولين كويس ومعاهم معلقه كبيره بكنج بودر<<
لو عاوزه الكيك بالكاكاو نقصى من الدقيق 5 معالق وحطى بدالهم 5 معالق كاكاو بودره ساده
ولو عاوزاها بالبرتقال مثلا حطى نص علبه زبادى وربع كوبايه عصير برتقال وبشر برتقال

الطريقه بقى
اضربى البيض مع رشه فانيليا مده لاتقل ابدااا عن عشر دقايق او ربع ساعه<<ظبطى الموبايل جنبك على ربع ساعه وافضلى اضربى لحد مايرن الموبايل

فى اخر 5 دقايق كده شغلى الفرن جنبك على اعلى درجه

بعد مايرن الموبايل ضيفى السكر بالتدرييييج

بعد كده ضيفى الزيت

بعد كده حطى 3/4 علبه الزبادى ومعلقتين قشطه <<مفيش قشطه حطى علبه الزبادى كلها

واخر حاجه حطى الدقيق بالرااااحه واضربى لحد مايختلط

تكونى مجهزه صينيه مدهونه سمن او زيت ومرشوشه دقيق كويس

حطى فيها الكيك

وعلى طووول دخليه الفرن

وهدى النار على 180 درجه لمده 42 دقيقه

واثناء ما الكيك فى الفرن ايااااااااكى تفتحى عليه خالص

ممكن تفتحى تشوفيه اخر ربع ساعه قبل كده لاء لاء لاااااء

وبعد مايطلع سيبيه يبرد وقطعيه وبالف هنا وشفا

استنينى هجبلك خطوات عملها واجى
15-01-1430 هـ, 05:10 مساءً
 
بصى الرابط ده انا عمله فيه الكيكه وحاجات تانيه شوفيها

http://forum.hawaaworld.com/showthread.php?t=1531668

وبصى دى الصينيه المبطنه


ودى اشكال لكيكتى






ودى نفس الكيكه كنت عامله منها تورته ومزوقاها ومغلفاها<<كنت واخداها لناس اول مره اروحلهم


15-01-1430 هـ, 05:27 مساءً
 
ربنا يخليكم وميكسر خطركم ابدا بالنسبة للمعالق المعيارية انا لفت ودورت كتير اقوي لما زهقت

محدش يعرفة وانا من مصر وعايشة في المنصورة يارب حد يفدني لاني عندي وصفة كيكة لاخت

هند ومش عرفة الكاس اد اية ونفسي اعملة مزبوط واشكركم مرة تانية
15-01-1430 هـ, 05:37 مساءً
 
^^
ما شاء الله ما قصرت كفت ووفت جزاك الله خير مدام شيرين
بس أنا عن نفسي أستخدم كوب الجبنه السايله جبنة المراعي إذا تعرفيها مظبوطه وحجمها نفس حجم الكوب المعياري
إذا تعرفي الجبنه هذي أشتريها وبعد ما تخلص نضفي الكوب وأستخدميه دايما في المقادير
بس أنتبهي إذا أستخدميكوب في طبخه ولا طريقه لا تسخدمين معاه كوب ثاني حجمه غير لأن كذا بتخرب عليك الطبخه<<أحسك ما فهمتي
يعني مثلا لو حطيتي الدقيق بكوب المويه كملي المقادير بنفس الكوب ولو أستخدمتي كوب حجمه مختلف مثل كوب الشاي مثلا بتخرب عليكي الطبخه
أدري إني ما أعرف أشرح بس إن شاء الله تكون وصلت المعلومه
وإذا مو فاهمه قوليلي لا تستحين
ويا هلا فيك ياقلبي بعالمنا الجميل
15-01-1430 هـ, 05:38 مساءً
 


الساعة الآن 01:49 .