Analysis Services
السلام عليكم ورحمة الله وبركاته
لاحظت في المنتدى إنه الكثير من البنات يدوروا على جنين القمح هذه الطريقة لاقيتها في كتاب للدكتور صبري القباني وحبيت أوريكم تطبيقي لها
أول شي تشتري قمح كامل بقشره (بر أو حنطة) من أي مطحنة وسعره رخيص في حدود الخمسة أو العشرة ريال

وما أدري إذا متوفر في السوبرماركت بس أهم شي يكون بقشره زي هذه الصورة



بعد كدا تغسلي حبوب القمح كويس وتنقعيها في الماء لمدة ثلاث ساعات



بعدين تنشري الحبوب في صحن



وتغطيها بقطنة مبلولة أو مناديل ورق مبلولة



وتحطيها في مكان رطب وكل ما حسيتي القطن أو المنديل جف بلليه لمدة يومين أو ثلاثة إلى أن يظهر جنين
القمح (أنا ظهرت معايا النتيجة من يوم واحد بس) وهذه صورته (هو الجزء الأبيض الصغير اللي طلع)
طبعا لما تاكليه حتاكلي الحبة كلها مو حتنزعي الجزء الأبيض بس وتاكليه





بعد كدا تغسليها كويس وتحطيها في علبة وتغطيها الأفضل تكون غامقة وتحطيها في مكان مظلم وحتكون كدا جاهزة
للاستعمال وإذا حسيتي بمرارة في الطعم ارجعي اغسليها تاني ولازم لما تاكليها تمضغيها كويس مو تبلعيها بلع وبالتوفيق



سوي بس كمية قليلة ولما تخلص سوي تاني لأن تعرضه للهواء يفقده خواصه
16-01-1430 هـ, 07:36 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تصدقين اول مره افهم انه قصدهم بجنين القمح البيبي حق القمح خخخخخخخخخخخخخ

رايحه فيها


يسلمو حبيبتي و الله يعطيك العافية
16-01-1430 هـ, 08:40 مساءً
 
اقتباس مشاركة  (وش ذنبي اني حلوة)
تصدقين اول مره افهم انه قصدهم بجنين القمح البيبي حق القمح خخخخخخخخخخخخخ

رايحه فيها


يسلمو حبيبتي و الله يعطيك العافية
هههههههههههههههههههههههه عجبتني البيبي حق القمح ايوا هو نونوته
الله يسلمك ومشكورة على تنويرك موضوعي
16-01-1430 هـ, 10:21 مساءً
 
طيب اختي هل أعرضه للهواء وأجففه قبل ما أحفظه ؟
17-01-1430 هـ, 02:19 صباحاً
 
اقتباس مشاركة  (تحفة)
طيب اختي هل أعرضه للهواء وأجففه قبل ما أحفظه ؟
حسب الكلام اللي في الكتاب على طول تحطيه في علبة وتحفظيه بعيد عن النور
17-01-1430 هـ, 02:26 صباحاً
 


الساعة الآن 10:51 .