احس بتعب دائم تتوقعون السبب ..... ؟

السلام عليكم حبيباتي اخواتي
في احلى وانجح منتدى

حابه اشكيلكم همي ومعاناتي

انا حامل للمرة الثالثة و عندي بنتين
في بنتي الاولى
تنفست عندي الماما الله يطول في عمرها ويخليها لي
وقعدت شهر مدلعة نفسي ما أتحرك
وأكلي صحي
وبعد النفاس نفسيتي وجسمي ونشاطي ولا أروع

وفي بنتي الثانية
تنفست في بيتي وكانت عندي اخت زوجي تساعدني

طبعا ماعندي أحد يسويلي زي الاكل الي تسوية حبيبة قلبي امي
وتعرفون
كلها اسبوعين وقمت واشتغلت ببيتي

وبعدها وأنا زي العجوز اتعب من أي جهد
وماأتحمل السهر ولا الشغل
ونفسيتي تعبانه مررررررررررررة
وانعكس كل هذا على اهتمامي
بنفسي

تتوقعون الاحساس والضرر هذا صحيح جاني من عدم اهتمامي بفترة النفاس

طيب

انا الان بالحمل الثالث
ولسى بفترة الوحام
وأكيد تتوقعون حالتي
مهدودة على الاخر
النشاط زيرو
النفسية تعبانه
حتى الابتسامة من زمان عنها
حاولت اطلع من البيت وأزور بعض الناس
لكن ماقدرت اغير نفسيتي عندي الناس الي زرتهم
وعزمت ببيتي ناس
لكن ماقدرت حتى ابتسم بوجيهم
والله مستحيه من اللي عملته معاهم
لكن والله العظيم كل هذا خارج عن ارادتي

ولكم بعد تتخيلو شكل البيت وبناتي
بالعافية اقوم ارتب اغراض زوجي للدوام واسوي اكله

قلت في نفسي يمكن ان مقصرة من ناحية رب العالمين
عشان كذا نفسيتي تعبانه
واكثرت من الذكر والاستغفار والنوافل
وحاولت اشترك بمنتديات اسلامية لعمل الخير

لكن ماني شايفه اي نتيجة لعلاج حالتي


اتمنى تردون علي وتنصحوني
وتحاولون تلقون تفسير
والا تفسيري بالبداي هو الصح
اتمنى تسعفوني بالحل

وانا بانتظاركم على نار