السلام عليكم
أنا يا بنات ما تزبط معاي المعكرونة بالباشاميل
والمشكلة بعد ما تنضج وأقطعها وإذا رفعت قطعة من الطاجين لا تكون متماسكة وتنفصل حبات المعكرونة عن بعضها فما السبب ؟ وإذا فيه وحدة منكن تكتب لي مقادير و طريقة عمل معكرونة بالباشاميل من عندها وتكون مجربتها ...وجزاكم الله خير .

شوفي حبيبتي دي طريقتي للباشميل و ان شاء الله مضبوطة

حطي 3 كوب حليب سائل في قدر علي النار و حطي معاه 2 ملعقة كبيرة زبدة و ملح و فلفل أسود قليل

وخليه يغلي علي النار و في الوقت ده أخلطي 6 ملاعق كبيرة دقيق علي 1 كوب آخر حليب سائل و صفيه بمصفي ضيقة حتي لا يكون فيه تكتلات و ضيفيه علي الحليب اللي علي النار بعد تهدئة النار علي الآخر و تقلبي وانتي بتضيفيه كويس ( يعني ضيفي خليط الدقيق باليد اليسري و قلبي باليد اليمني )

و فضلي قلبي لحد ما يتكثف الخليط ثم اطفي النار و سيبيه يبرد شوي و بعدين ضيفي 1 بيضة و قلبي المزيج كويس و استخدميه

دي طريقة حلوة و سهلة للباشميل انا دايما اعملها عمري ما اشتريت باشميل جاهز

اسلقي المكرونة عادي بالماء و القليل من الملح و الزيت و صفيها من ماء السلق

و عصجي لحمة مفرومة بالبصل و السمن و الملح و الفلفل الاسود و البهارات و ممكن تضيفي 3 ملاعق صلصة بتخليها طعمها حلو قوي

ضيفي علي المكرونة 4 ملاعق كبيرة من الباشميل و 4 ملاعق كبيرة لحمة معصجة و قلبيهم كويس

ادهني الصينية بالسمن و افردي فيها 1/2 كمية المكرونة ثم افردي فوقها اللحمة المعصجة ثم حطي ال 1/2 التاني من المكرونة

ثم حطي علي السطح الباشميل و افرديه بكل الصينية و رشي الوجه بالجبنة المبشورة ( أي نوع بارميزان أو رومي أو شيدر أو متزريلا )

و لو مش عندك ادهني الوجة بالبيض علي خفيف و دخليها الفرن حتي تحمر

و لازم تسيبيها تبرد شوية علشان متتفككش و يستحسن تغطيها اول ما تطلعيها من الفرن و تسيبيها تبرد 1/2 ساعة تقريبا

و أي سؤال انا حاضرة حبيبتي
يارب لك الحمد كماينبغي لجلال وجهك وعظيم سلطانك
اللهم أتمم علينا نعمك واحفظ مصر من كل سوء وهيأ لها امرا رشدا


بارك الله فيك وجزاك الله خير .. يا أم عبد المنعم
بس مقاديرك لصلصة الباشميل كم يأخذ كمية من المعكرونة ؟
سبحان الله وبحمدة سبحان الله العظيم
ارفعوا المواضيع بذكر الله
اقتباس مشاركة  (بريق مسلمة)
بارك الله فيك وجزاك الله خير .. يا أم عبد المنعم
بس مقاديرك لصلصة الباشميل كم يأخذ كمية من المعكرونة ؟
المقدار ده يأخذ 1 كيس مكرونة يعني تقريبا 1/2 كيلو مكرونة ( من 400 الي 500 جم)

و اللحمة المفرومة 1/2 كيلو أو أقل شوية
يارب لك الحمد كماينبغي لجلال وجهك وعظيم سلطانك
اللهم أتمم علينا نعمك واحفظ مصر من كل سوء وهيأ لها امرا رشدا




الساعة الآن 10:51 .