تعودني عليك أيام، ابد ما افارقك ليلة****واذا عنك اروح اليوم، اقولك نلتفي باجر
تعودني على لطفك، على اسلوبك، وتدليله****وتتوقع انا باحيا بدونك، يوم انا نسافر
هيه..انا ما ودي اشكيلك، ولكن قلة الحيلة****أليمة فرقتك والله، وانا "ع" البعد مب قادر
دخيلك أجل الموعد، اذا تقدر "ع" تأجيلة****دخيلك حط دمعاتي "ف" عينك قبل ما تسافر
ياشين الوقت في بعدك، دقيقة كأنها ليلة****"ش" صبرني وأنا احبك، ومثلك في البشر نادر
تعلق قلبي بقلبك، يسمع منه ويشكيله****تدلل، قول، بس اطلب، اقولك غالي وحاضر
تلاقينا "ف" بعض صدفة، سولف لي وانا احكيلة****من اول نظرة حبيته، وصرت لشوفه ابادر
ذبحني السحر في عيونه، ياوبله قلبي ياويله****انا افهم لغة العيون، لكن صرت مب قادر
انا اتمنى قبل لا يروح، يلمس دمعي منديله**** ابيه يحس باحساسي،ابيه يقول لي تامر
ابي حضنه يدفيني، خليل يودع خليلة****واقول بصوت به شهقه، "ف" امان الله يامسافر
وارجع من المطار وحدي، يشيلني الهم واشيله****"ش" صبرني عنا شهرين، وهو بس توه مسافر
عزاي انه اخذ قلبي، في وسط عيونه يشيله****وانا اصبحت في بعده، وحيد... واكسر الخاطر:arb:
سلك توصيلة @slk_tosyl
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
يسلموووووووووووووووو