الله يعينج،، انا عندي لج كم طريقة خفيفه ممكن تساعد

* توست فرنسي

تاخذين العدد اللي تبينه من التوست ولج الخيار انج تتركينه مثل ما هو او تقطعينه اصابع او قطعتين مستطيلتين او مثلثات مثل ما تحبين و تحطينهم في بيض مخفوق مع ملح وشوي ليمون وشوي فلفل ابيض و تقلينهم بشوي زيت لين يصير لونهم ذهبي محمر شوي.

* عجه بالفرن

وهاذي طريقه سريعه وتوفر عليج وقت ممكن تقطعين بصل وطماط و بقدونس وشبت و نقانق ومشروم وفلفل بارد الالون اللي تبينها واذا قطعيهم وتخلينهم في الثلاجه وفي اليوم الثاني تخلطينهم مع بعض وتضيفين عليهم بيض مخفوق وملح وكمون وفلفل اسود وتدهيني صينيه فرن بس ماتكون كبيره وتصبين الخليط في الصينيه المدهونه وادهلينها الفرن لين ما تستوي وتقدرين اتضيفين على الوجه زيتون مقطع وجبن موزارلا و زعتر ورق وتشغلين الفرن عليها من فوق لين تذوب الجبنه تقطعين العجه قطع مربعه او اصابع .

* جبن بالخضار

طريقه سهله جداً مجرد تقطعين اي جبنه بيضه تحبينها مثلا جبنه فيتا و تقطعين معاها طماط و زيتون اسود واخضر و خيار وترشين عليها زعتر وسماق وزيت زيتون طبعن اتكون كميه الزيت زيتون زياده شوي يعني اتغطي الجبنه عدل وطبعا قطع الجبن والخضار تكون تقريبا متساويه.

اتمنى اني افدتج وبالتوفيق
لا تنسين تقسمين التوست مثلثات
ساره لونا

مشكووره اختي والتوست بالبيض ان شاء الله بسويه لاني احبه

لذه غرام

والله ياقلبي ماقصرتي ان شاء الله بسوي العجه بالفرن وايد سهله والله يجزاكم كل خير
ماتحضرني الان غير طريقة قريتها هنا وجربتها وفعلا كانت لذيذه

طماطم مقطع مكعبات
وجبن حلوم مكعبات
بقدونس او نعناع
زيت زيتون

تحطين في المقلاه الطماطم مع الزيت الزيتون ينحمس حبه ثم اضيفي الجبن حتى يذوب
ثم ادهني التوست بالزبده وحطي الخلطه وضيفي فوقها اوريقانو

ايضا ساندوتشات نقانق محموسه ومضاف لها جبن سلايس
الفول بانواعه ... حمص ... ساندوتشات بيض بالجبن
ساندوتشات كبده
ساندوتشات فلافل جيبي الفلافل جاهزه واضيفي لها فقط الصوص والطماطم والبقدونس
الاكلات الشعبيه ...مصابيب ..قشد ..

هذا ماااتذكره وان شاء الله افكارنا تبيض وجهك قدام الجميع
للرفع لعيونك



الساعة الآن 01:56 .