السلام عليكم ورحمة الله وبركاته

اريد أسماء معارض لبيع غرف نوم في جدة وتكون أسعارها معقوله


وجزاكم الله خيرا

نور قلبك بالصلاة في الظلم
تبين بحدود كم يعني ؟

إذا تبين شيء رخيص فعلاً شوفي محمود سعيد الشعبي ترى مرات يحيب اشياء حلوة ، وفيه عندك سوق الشاطيء كمان ، وسيتي بلازا .. وإيكيا بس خشب إيكيا مضغوط ما يتحمل يعني ..

فيه اللي عندهم على ما يقولون هيك وهيك شيء غالي وشيء معقول:

- الأنصاري اللي بطريق المدينة موديلات عالمية صناعة سعودية متقنة ونظيفة .

- كمان عندك إم إف آي بس ما أعرف أوصف لك إياه هو إذا تعرفين سكن الحرس الوطني هو حواليه هناك بنفس المنطقة بس خشبهم مضغوط يعني زي إيكيا .

- كمان عندك مركز الحياة هذا قدام مرحباً اللي بشارع صاري بس هو مو على شارع صاري لا بنفس شارع مسجد الشعيبي ( امحق وصف ) مركز الحياة هذا عنده أشياء تشبه اللي عند المنزل أو مثلها بعضها بنفس سعر المنزل وبعضها أقل ، وممكن يفصل لك بعد إذا تبين بس حددي له نوع الخشب لا يحط مضغوط ..

- فيه بعد محل إذا تحبين الستايل الهندي بمركز التحلية التجاري فوق بس مدري عن أسعاره .

- وفيه بعد المطلق عنده أشياء كثيرة أسعارها وسط .

- الصبان .

- العامر أظنه أغلى منهم بس ماني متأكدة ؟؟

- مدري شكلي بالففك جدة كلها !! بس من جد عشان تشترين غرفة النوم بالذات لازم لفلفة كثيييييييييييييرة لأنك ما تغيرينها كثير مثل الكنب وغيره ..
بس على فكرة أظن موضوعك مكانه مو هنا ؟؟
أطلبي من المشرفات ينقلونلك إياه ركن المواد التجارية ( التسوق ) يساعدونك الأخوات هناك أكثر .
إم إف آي غالي كمان الصبان غالي وايكيا خشبه مو مضبوط

العامر ينفع في التخفيض انا غرفتي من عندهم لها 5 سنين ما شاء الله

عندك بن شيهون في البوادي

عندك المفروشات العالميه
ماني من جده والى يسعدني اني اخدمك

بس اتذكر محمود سعيد فيه اشياء حلوه ورخيصه

تحياتي
ليس المهم ان تكوني صديقتي ولكن المهم ان تكونين صادقه معي


الساعة الآن 05:57 .