الرجاء ممن تعرف طريقة عمل الاسكندر تخبرنا بها بسرعة

اذا هو الي اعرفه فهذي طريقته وان شاء الله اكون افدتك
تاخذي لحم مفروم
2 بصله مبشوره بهارات مطحونه -2فص ثوم ملح حسب الرغبه
شوفي حبيتي تخلطي اللحم مع الاشياء الي قبل وتسوين اللحمه كانها كفته تكورينها بعدين تاخذين صينه في الفرن وتحطين الحم فيها وهو دوائر ترصينه متفرق واشعلي الفرن لمدة ربع ساعه على اللحم اذا نضج اللحم طلعيه على جنب وحطي في قدر لبن زبادي تقريبا كاس مع ملعقه نشاء وبيضه وشويه ملح وفلفل اسود وكمون وكاس مرقه( مرقه لحم او دجاج)وخليه شوي يستوي يعدين سقطي كور اللحم على الزبادي واذا قضى خليه شوي يستوي خوذي فحمه وسقطيها على زيت وحطيها جوت القدر واكتمي القدر بقصدير
وقت التقديم اغرفي اللحم والزبادي ورشي عليه بقدونس مفروم
وبالعافيه
**** يجزيك خير على الرد لكن مو هي الطريقة اللي ابغى الطريقة اللي ابغى عبارة عن مرقة على الوجة لحم مثل لحم الشاورما


السلام عليكم
اختي اذا قصدك الاسكندر التركي شوفي طريقتي ان شاء الله تعجبك

اولا تحتاجي خبز تركي و ماعون شاورما لحم
قطعي بصل شرائح او مربعات صغيره حسب الرغبه انا افضل الشرائح المهم
احمسيها مع شرائح طماطم حتى تذبل اضيفي صلصة طماطم وقليل من الماء تصير عندك صوص ثقيل علشان راح نشرب الخبز بالصوص اضيفي ملح وفلفل وشوي كمون
احضري صينية عميقه قطعي الخبز مربعات ثم صبي الصلصة عليها رشي فوقها اللحم الشاورما
ثم اعملي صوص الطحينيه بالروب ( روب - شوي طحينية تقريبا م صغيره لكل قوطي روب - ليمون - ملح - زيت زيتون- فلفل ابيض)
زيني الوجه بالبقدونس و شرائح الطماطم الرفيعه

البعض ما يحب الروب صبي نص الصينية روب و النص الثاني الصلصه الحمراء
ولك الاختيار اتمنى تعجبك

مع تحياتي
لا تنسي تقولي العصفورة خبرتنا
السلام عليكم مشكورة اختى العصفورة هذى دائما اشوفها بامطاعم بس ما اعرف الطريقة يعطيكى العافية


الساعة الآن 09:16 .