السلام عليكم ورحمة الله وبركاته

تكفون ياخواتي ساعدوني مالي غيركم

عند زوجي عزيمه وطلب اعمل له الدجاج اللي يوضع في القصدير وبعدين يحطه علي الفحم والمشكله انا مااعرف

اسويهوماعندي احد اسأله قلت مالي غير الحوائيات هم اهل الفزعه

تكفون لاتطنشوني بليزززززززززز انتظركم

واسفه علي الاطاله

تعالو معي نعمل الدجاج في القصدير معا بعض
اليوم أكلتنا دجاج مشوي على البخار
راح نبدي خطوه خطوه


1- اول شي نغسل الدجاج عدل ونقطعه حسب الرغبة ونحطه في بادية نايلون او بلاستيك ( لان مثل ما انتوا عارفين انه مايصير نتبل اللحم او الدجاج في جدر معدن او استيل يقولون مو زين ولان البهارات تتفاعل مع المعادن ،، هذا اللي انا اعرفه )
.
.
2- نخلط البهارات مع بعض ( بصراحه انا سويت خلطة بروحي يعني حطيت لومي اسود - فلفل اسود - بهارات الدجاج وشوي ملح مع زيادة اللومي الاسود ،
بالاضافة الى تقطيع البصل ( وكل ما زاد البصل كان افضل ( بس عاد مو تحطون خيشة بصل كامله )
.
.
3- نبدي في دعك الدجاج مع البهارات المخلوطة والبصل ... وبعد ما نخلص نصب على جميع قطع الدجاج قوطي روب ونخليه في الثلاجة لفترة انت تقررها .. كل ما زاد كان احسن
.
.
4- وبعد هذا نفرش القصدير ونسوي القصدير 3 طبقات ( يعني 3 تحت و3 فوق ) مثل ما شايفين بالصورة


5- نبدأ في وضع الدجاج على القصدير مثل ما شايفين بالصورة


6- بعد ما نخلص من وضع الدجاج ، نقطع شرائح من البصل والطماط ونحطه على الدياي ، ثم نقول باغلاق القصدير بإحكام ودقة


7- بعد ما سكرنا القصدير ( طبعا نكون شابين الفحم ) نشيل القصدير ونحطة مباشرة على الفحم يعني لا تحطونه على الشبك ... حطوه مباشرة على الفحم ، بس ديوا بالكم على القصدير لا ينشق او تفتح فتحه ولو كانت صغيرة ، ولو حصل هذا ( مثل ما صار عندنا ) لان واحد من الشباب الله يهديه وهو قاعد يشيله جان ينشق القصدير شوي ، بس لا تحاتون لذا صار جذي حاولوا تسكرونه وتخلون القصدير على الفحم مده أطول ، يعني اذا ما كان مشقوق القصدير يبيله من 45 دقيقة ، واذا انشق القصدير يبيلة ساعه ، بالنسبة حقنا احنا خليناه ساعه تقريبا ، ولا تخافون اذا خليتوه اكثر عادي ما راح يحترق


8- بعد ما خلصت الساعة نشيله شوي شوي لانه حاااااااااااااا ااااااااااااااا اااااااار حيييييييييييييي ييييييييييييل وديروا بالكم ترى القصدير بسرعه ينشق

9- نبدأ بفتح القصدير




10- راح تشوفون مفاجأه ... تشوفون ان الدجاج ذايب حيل والطماط فوقه والبصل
يعني شي عجيب..

يا حبيلك مرة سهل

اغسلي الدجاجة واقطعيها من النص بس لا تنفصل زي دجاجة المسحب اتمنى فهمتيني
وبهريها بملح وفلفل وبهارات من برة وجوة يعني تحت الجلدة عشان اللحم يتبهر وبعدين افردي قصدير على صينية قصدير عشان تضمنين الرماد ما يدخل جواتها وحطي حلقات طماطم وبصل وفلفل رومي وبطاطس وجزر وكوسا وليمون بس لا تكثرين عشان ما يمرر لو حبيتي وحطي عليها ملح وفلفل وحطي الدجاجة وقفليها زيييييييييييييي ييييييييييييييي ييييييييين وبس


وبالعافية
خارج الخدمة مؤقتاً
رفع
للرفع لعيونك



الساعة الآن 10:01 .