بنات من العنوان أنا عندي ألم في أسفل بطني مرة من تحت مااقدر امشي ولا اسوي شي
اذا ارتاح وانام يروح الألم ولو اتحرك اشوي وامشي مسافة قصيرة يجيني اللألم وبعض الأحيان يكون اشد حتى اذا كنت واقفه مااتحمل بسرعة انام على ظهري
رحت امس موعدي الوزن في مستشفى حكومي وقلت لها بالألم فحصت بيدها بس على بطني وقالت لأن راس البيبي تحت قلت لها بيطلع يعني قالت لا عادي يمكن ينقلب أو يظل للولادة ، وانا الألم مااقدر اتحمله اشلون اصبر للتاسع ماكان يصيدني جذي بولدي الا في التاسع وانا خايفة
حتى اذا اروح الحمام اكرمكم الله اتبول مااقدر يألمني تطلع بالغصب متقطعة وكل اشوي الحمام
عندي موعد اسبوع الجاي على دكتورة في الطب الخاص بس شكلي مااقدر اتحمل الى الاثنين اسبوع الجاي
شنو هذا بنات لايكون بولد وانا ماادري ؟؟ واخاف اولد ويصير للبيبي شي لأنه صغير
ادعولي بنات الله يحفظه ويثبته للشهر التاسع .
على فكرة امي كل ولاداتها في الشهر السابع لايكون انا بورث منها هذا الشي
بس ولدي ولدته في الشهر التاسع ..
23-01-1430 هـ, 01:40 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا كانت تجيني الام ويقول الدكتور طبيعي

بس مو لهدرجه
وع الحمام صح كل شوي احس اني ابغا اتبول اعزكم الله

لان البيبي يضغط ع المثانه

وانتي خلك مرتاحه ولا تتعبي نفسك لين تحسين انك خفيتي
23-01-1430 هـ, 01:58 صباحاً
 
مشكورة اختي سممسممه ان شاء الله طبيعي
انا قالت لي اللي فحصتني الفابلة القانونية انه طبيعي بس انا خايفة
لان مادخلت على الدكتورة .
23-01-1430 هـ, 02:10 صباحاً
 
يااختي روحي تطمني اللحين او بكره هي طبعا مو ولاده لأن الولاده آلامها منتظمه .. لكن يمكن لاسمح الله المشيمه فيها شئ لاسمح الله فروحي تأكدي... ويشوفونك بالسونار يكون افضل ...................................... موفقه.
23-01-1430 هـ, 02:48 صباحاً
 
يمكن في نزول بالمشيمه
23-01-1430 هـ, 02:52 صباحاً
 


الساعة الآن 05:01 .