طبعا اعتقد اني جايه متاخره وانك انشا الله تكوني وصلتي بالسلامه...
طمنينا وصلتي الامارات؟؟
من شفت العنوان دخلت على طول...
عشان اقول لك انه صار معي هالكلام...........وكنت في اول الثامن...
وللاسف والحمدلله على كل حال ...جتني ولاده مبكره...متعسره...
انا ماحب اخوفك...
لكن اقول لك عن تجربتي عشان تبادرين وبدون تردد للمستشفى...
وسوي سونار مو شرط يفحصونك...
بالسونا بين معي انا انفصال بمقدار بسيط بالمشيمه...
انتبهي لنفسك..والله يهون عليك بوقته يارب:)

باركوا لييييييييييييييييييييييييي... وصلت بالسلامه..

الحمدلله لك يارب على كل شي..

والله يا خواتي اشكركن كلكن من أول وحده لآخر وحده دخلت و ردت علي.. ما قصرتوا معاي بنصايحكم و مشاعركم.. و آسفه أني ما رديت على طووول و خليتكن على اعصابكن بس والله ما كان عندي نت....


طبعاً اكيد تبون اتعرفون شو صار معاي....؟؟؟

السالفه و ما فيها اني ما قدرت اروح المستشفى.. و الله كان قلبي ايعورني مب متخيله ريّال يفحصني.. ففضلت اني ما اروح و اني اتوكل على رب العالمين.. و هو القادر على كل شي
( قل لن يصيبنا الا ما كتب الله لنا )... و تميت ادعي في صلاتي ان السفره اتعدي على خير..

كنت ادعي هالدعاء ( اللهم أأجرني في مصيبتي و أخلفني خيراً منها )

و سبحان الله.. قبل لا نطلع على المطار بنص ساعه اتصلت فيني أختي الكبيره من الإمارات و قالت لي اقول هالدعاء ( أعوذ بعزّة الله و قدرته من شرّ ما أجد و أحاذر ) و قالت لي انه دعاء وايد زين...

توكلت على ربي و تميت ادعي من طلعنا من البيت لين ركبنا الطياره.. و على فكره انا قبل لا اطلع من البيت رحت الحمام و لقيت انه الدم بعده ينزل لي .. !

المهم من ركبت الطياره و انا مب على لساني إلا هالدعاء و آية الكرسي.. لأني كنت خايفه وايد...


بس الحمدلله يا خواتي.. و الله طلعنا من فرنسا و نزلنا روما و بعدها طلعنا على الإمارات.. بس ما حسيت بأي شي.. و لا ألم من أي نوع.. اللهم لك الحمد و الشكر..

و يوم وصلت البيت رحت اتطمن و ما لقيت اي دم ...!! و الله استغربت.. بس الحمدلله.. في النهايه كل شي بإيده سبحانه.. و أنا كنت موكله اموري له..

هذي كل السالفه من أولها لين آخرها.. قلت بعد اللي شفته لازم أخبر خواتي في عالم حواء عن هالدعاء.. و انه الوحده تتوكل على ربها و تكون نيتها صافيه...

آسفه اني طولت عليكم..

بس اشكركن خواتي على اهتمامكن.. و الله اني حسيتكم مثل أهلي.. و انكم صدق مهتمين..

الله لا يحرمني منكم..

الحمد لله على السلامة ويارب لك الحمد على وصولك بالسلامة
وربك كريم سبحانه الله يتمم فرحتك بالبيبي وجميع المسلمات