بارك الله فيك يا اسماء علي الموضوع وياريت يكون هذا الملف لكل الاكل الليبي واي مساعدة اني حاضرة ان شاء الله وممكن تستعيني بالصور اللي منزلتهم واللي معادش يطلعوا ان شاء الله اذا نزلتي طريقتهم ننزلهم من جديد
وياريت يتحول لقسم الاطباق الساخنة
بانتظار المزيد يااسماء
تحياتي
07-01-1425 هـ, 10:04 مساءً
 
السلام عليكم ورحمة الله وبركاته
ارويم بارك الله فيك علي التشجيع ويالله همتك معاي خليه انديرو انا حنبداء بالاكل الطرابلسي واللي تعرف اكل من الشرق او الجنوب اتنزله وانضيفهم علي بعض شن رايك ووينك حتي انتي مغطسة والا انا زعمة اللي مغطسة

ام نوفل وفيكي بارك الله ووين هالغيبات معاش شوفناك ان شاء الله الصحة تمام ويحفظلك ربي نوفل وزوجك
والله ان شاء الله وبعونه انحاول انزل اللي نقدر عليه من اكلنا الليبي من حار وحلو ومقبلات لكن المشكلة ماعنديش صور وبارك الله فيك علي عرض المساعدة بخصوص الصور وان شاء الله لما نوصل في الاكلات اللي نزلتيهم قبلي زي الكسكسي والبازين انحاول ان نرفق معاهم الصور
بالنسبة لتحويله لقسم الاطباق الساخنة قوللولي كيف وانا حاضرة
مرة ثانية جزاك الله خير وان شاء الله نتعاونوا كلنا باش انديروا هالملف ويتم بعون الله
والف تحية ليكم
08-01-1425 هـ, 04:52 صباحاً
 
السلااااام عليكم
يعطيك الصحه ياوخيتي على هالشريبه الفايحه
لكن راك نسيتي الحمص ماكتبتيشي في المقادير متاع شوربة لسان العصفور

سلاااااااااااااام
08-01-1425 هـ, 07:07 صباحاً
 
السلام عليكم ورحمة الله وبركاته
يسلمو الايادي اسماء عالاكلات الروعة .....مجهود قيم بارك الله فيك

واي مساعدة تفضلي عندي بعض الصور لكن من كاميرا الكمبيوتر مش واضحات كويس لكن

يفوا بالغرض اذا تبي نزلهم مع الاكلات....



08-01-1425 هـ, 07:19 صباحاً
 
السلام عليكم ورحمة الله وبركاته
ام هشومي سلمك ويعطيك الصحة وربي ايخليلك وليدك , وبالنسبة للحمص حطيته داخل الطريقة واكيد كلامك ما تجيش شريبةمن غير حمص وبارك الله فيك
انيسة الله يسلمك ويبارك فيك ونكون ممنونة ليك لو نزلت الصور معاهم باش يكون الموضوع مكتمل لان بعض اكلاتنا صعب تنفهم الا بالصور وجزاك الله خير
وشكرا ليكم علي التشجيع

لكن ما قلتوليش كيف ننقله الي قسم الاطباق الساخنة شني اندير copy and paste وخلاص
السلام عليكم
08-01-1425 هـ, 08:28 صباحاً
 


الساعة الآن 10:26 .