السلام عليكم
اما بالنسبه للمجبوس فهذه الطريقه وارثتها من امهاتنا على اصولها إن شاء الله تعجبكم
بسم الله اولا المقدار ابعطيج لدجاجه وانتي ضاعفي المقدار ابراحتج
تاخذين دجاجه وتقسمينها نصين واتخلينا بالملح وإذا حبيتي طحين مثل ماأذكرت اختنا العنقا777يسعدها ربي ابراحتج
بس البصراحه انا بس احط ملح تخلينها ساعه تقريبا
بعدين تغسلينها عدل مدل واتجهزين زيت اشوي تقريبا 4 ملاعق بس وتحطين الدجاج إذا صار الزيت حامي اتقصرينه واتقلين الدجاج بس دقيقه على الوجه الاول ودقيقه على الوجه الثاني بسسسسسس لاتزيدين شيليها وحطيها بالمشخال = المصفاه وترمين الزيت بعلبه وعلى ازباله لان صار فيه الزفاره مالت الدجاج طيب
تجهزين بصله مفرومه ناعم وثومه وحده وزيت قليل بالقدر وتحطين الدجاج وتقلبين ثاني وقليل من الكركم ذره بس وحطي ماء مغلي تقريبا 4 اكواب وعودين دارسين و5 هيلات عدلين وملعقه ملح وتخلينه يغلي تقريبا ساعه إلا ربع او اكثر اشوي
تشيلين الدجاج بصينيه للفرن وتتركينه على جنب وتشيلين الدارسين والهيل العدل وتكونين غاسله كوبين ونص رز بسمتي جيد النوعيه وامنقعته على الاقل نص ساعه تصفينه وتكبين الرز بماء سلق الدجاج ويكون الماء ارتفاعه عن الرز تقريباصبعين بس لا يزيد عشان مايكون لين انتبهي اختي لازم إذا غلى الماء تشوفين حبات الرز تتقلب وتختفي فهمتيني إن شاء الله بعدين تخلينه يشرب الماي كله وتقصرين النار وتكونين امنقعه زعفران بماء ورد من اول ما بلشتي الشغل عشان ينقع عدل تقريبا نص ملعقه وسط زعفران علا ملعقتين اكبار ماء ورد وتصبينه علا جنب واحد بس مو كل الوجه ترشينه زعفران لا بس ربعه وحده وترشين منه اشوي علا الدجاج الي تركناه بالصينيه وتكونين امجهزه بهار امشكل (اشوي كمون ناعم وهيل ناعم وكزبره ناعمه ودارسين ناعم ) اشوي يعني وترشين وجه العيش كله الي بالجدر بخلطه البهار والباقي من البهار على الدجاج الي بالصينيه يعني مقدار البهار راح يطلع معاج تقريبا ترسملعقه وسط يعني إذا خلطتي كل الانواع من كل شي اشويه تطلع كل الخلطه ملعقه وسط لاتكثرين ابهار قسميه بينالرز وبين الدجاج وحطي زيت على الدجاج تقريبا ملعقتين اكبار وزعيهم على الدجاج و5 ملاعق اكبار على الرز ودخلي الدجاج الفرن من تحت اولا بعدين من فوق لما يتحمر الدجاج والحين بفردلج الحشو ابروحه برد ثاني :cook:

والبنسبه للبصل تاخذين ابصلتين ابار وتفرمينهم وتحطينهم في مقله جافه وتكونين امجهزه كشمش الي هو الزبيب امنقع ومتروك على جنب
تحركين البصل لما يبدى يتلزق في المقلاه ويتكون لون بني خفيف وتضيفين ماى اشوي وقلبي وخليه لما يتلزق مره ثانيه وضيفي اشوي ماي بس وحركي وخليج على الحال لما يستوي ويكون لونه بني بعدين ضيفي ملعقتين زيت وقلبي وصفي الكشمش من الماء وضيفيه للبصل وحركي وبعدين ضيفي رشه لومي اسود ناعم ورشه ملح واشوي فلفل اسود وقلبي
وممكن تضيفي سماق اشوي وإذا تبينه بالنخي اتكونين امنقعه نخي الحبه الصغيره حيل ومقسومه نصين وتفوحينه لما يستوي وصفيه وخذي منه ملعقتين اكبار وضيفيه للحشو وحركي وباقي النخي الي هو الحمص وزعيه بأكياس كل ملعقتين مع بعض واحتفضي فيه بالفريزر للمرات الجايه اسهل
هذا في حل استخدام النخي وإذا ماتبين ابراحتج ممكن تكتفين بالزبيب بس عادي كل واحد وذوقه المهم تحطي الحشو على وجه العيش النص الثاني مو الي فيه زعفران لا الجهه المقابله وتكونين امجهزه الحشو اثناء سلق الدجاج عشان يكون جاهز وتحطينه على العيش اول ماينشف العيش يعني كل اغراضج جاهزه بس ينشف العيش تحطين الزعفران على جنب والبهار يتوزع على الوجهه والحشو الجهه الثانيه والزيت ينرش على الوجهه يعني كل خطواتج وره بعض واتقصرين النار وتغطين الجدر وخليه على نار هاديه لمده نص ساعه ويفضل تحطين حديده تجت الجدر
بعد مايستوي غرفي الحشو ابروح على جنب والزعفران في ماعون على جنب بعدين غرفي الرز في صحن التقديم وساوي الوجه بعدين وزعي على الوجه الزعفران بعدين وزعي الحشو على الوجهه وبعدين حطي عليهم الدجاج المحمر بالفرن وقدميه مع الدقوس والفلفل بالعافيه
وإن شاء الله افدتج :27:

والبنسبه للبصل تاخذين ابصلتين ابار وتفرمينهم وتحطينهم في مقله جافه وتكونين امجهزه كشمش الي هو الزبيب امنقع ومتروك على جنب
تحركين البصل لما يبدى يتلزق في المقلاه ويتكون لون بني خفيف وتضيفين ماى اشوي وقلبي وخليه لما يتلزق مره ثانيه وضيفي اشوي ماي بس وحركي وخليج على الحال لما يستوي ويكون لونه بني بعدين ضيفي ملعقتين زيت وقلبي وصفي الكشمش من الماء وضيفيه للبصل وحركي وبعدين ضيفي رشه لومي اسود ناعم ورشه ملح واشوي فلفل اسود وقلبي
وممكن تضيفي سماق اشوي وإذا تبينه بالنخي اتكونين امنقعه نخي الحبه الصغيره حيل ومقسومه نصين وتفوحينه لما يستوي وصفيه وخذي منه ملعقتين اكبار وضيفيه للحشو وحركي وباقي النخي الي هو الحمص وزعيه بأكياس كل ملعقتين مع بعض واحتفضي فيه بالفريزر للمرات الجايه اسهل
هذا في حل استخدام النخي وإذا ماتبين ابراحتج ممكن تكتفين بالزبيب بس عادي كل واحد وذوقه المهم تحطي الحشو على وجه العيش النص الثاني مو الي فيه زعفران لا الجهه المقابله وتكونين امجهزه الحشو اثناء سلق الدجاج عشان يكون جاهز وتحطينه على العيش اول ماينشف العيش يعني كل اغراضج جاهزه بس ينشف العيش تحطين الزعفران على جنب والبهار يتوزع على الوجهه والحشو الجهه الثانيه والزيت ينرش على الوجهه يعني كل خطواتج وره بعض واتقصرين النار وتغطين الجدر وخليه على نار هاديه لمده نص ساعه ويفضل تحطين حديده تجت الجدر
بعد مايستوي غرفي الحشو ابروح على جنب والزعفران في ماعون على جنب بعدين غرفي الرز في صحن التقديم وساوي الوجه بعدين وزعي على الوجه الزعفران بعدين وزعي الحشو على الوجهه وبعدين حطي عليهم الدجاج المحمر بالفرن وقدميه مع الدقوس والفلفل بالعافيه
وإن شاء الله افدتج :27:

عفية اخواتي ع تعاونكم الفعالةونأمل المزيد من المتابعة ..................الله يعطيكم العافية ويسخرلكم ازواجكم ويرزقكم الذرية الصالحة والمسلمين اجمعين.......................................@

ما قصرت العنقا 77
الله يعطيج العافيه على هالمجبوس ..تسلنم ايدج

ما شاء الله عليج يا جولانار ..

كفيتي ووفيتي ..أحب طريقتج بالشرح وكأني معاج بالمطبخ !

ومبين عليج طباخه سنعه ...تبارك الرحمن